Árni Pétur er formaður Pírata í Kópavogi og áheyrnarfulltrúi í Lista- og menningarráði Kópavogs. Hann situr sömuleiðis í Stefnu- og málefnanefnd Pírata og í stjórn Ungra Pírata. Árni er uppalinn Kópavogsbúi og brennur fyrir menningarmálum, sérstaklega hvernig menning stuðlar að gagnsærra samfélagi og betri lýðræðisdómgreind. Meðfram sagnfræðinámi vinnur hann sem bókavörður á Bókasafni Kópavogs og leikur á bassabásúnu með Lúðrasveit verkalýðsins. Hann er fæddur 2. janúar 2002 og deilir því afmælisdegi með Jóni Gnarr, fyrrum borgarstjóra.