Tilkynning um lagabreytingu

Lagabreyting um kosningakafla og skyndikosningar í lögum Pírata var samþykkt. Lagabreytingartillagan fékk hraðmeðferð til að gera Pírötum kleift að takast á við þær aðstæður sem myndast þegar boðað er til þingkosninga með skömmum fyrirvara. 

Hluti af lagabreytingarferli Pírata er að þessi lagabreyting fari núna í hefðbundna kosningu til staðfestingar. Sú kosning er þegar hafin og verður opin næstu vikuna í samræmi við lög Pírata. 

Framkvæmdastjórn Pírata hefur skipað kjörstjórn, líkt og 16 gr. laganna heimilar þegar kemur að skyndilegu þingrofi.

Í kjörstjórn sitja:

Baldur Karl Magnússon (formaður)

Geir Guðmundsson

Phoenix Ramos Proppé

Varafulltrúar:

Arndís Anna Kristínardóttir Gunnarsdóttir

Huginn Þór Jóhannsson

Gamithra Marga

Kjörstjórn hefur samið prófkjörsreglur og skipulagt prófkjör í öllum kjördæmum sem fer fram næstu daga. Nánari upplýsingar um prófkjörið má finna hér.