Olga Margrét Cilia býður sig fram í 2. sætið í prófkjöri Pírata í Reykjavík.

Olga er lögfræðingur sem hefur verið virk í flokknum í áratug. Hún var varaþingmaður flokksins á árunum 2017-2021 og hefur setið í stjórnum hans og nefndum frá upphafi.

Olga vill að sjálfsákvörðunarréttur fólks eigi að vera í forgrunni í ákvarðanatöku borgarinnar. Reykjavík sé í þjónustuhlutverki fyrir borgara sína og því eigi að tryggja að fólk fái leikskólapláss, geti verið óháð einkabílnum og lifi við grósku í menningu og listum.

„Ég vil sjá raunhæfan íbúðamarkað fyrir fólk, ekki fyrir fyrirtæki og gróðastarfsemi.“