Bestum borgina fyrir hinsegin fólk!
Grein birt á Vísi 19.04.2026, klukkan 08:32.
Olga Margrét Cilia
__________________
Píratar elska alls konar fána, enda er merki Pírata einmitt það; fáni. Fánar eru notaðir til að sýna afstöðu og vísa í baráttu. Fánar hinsegin samfélagsins eru okkur gríðarlega mikilvægir það sem þeir tákna sýnileika, samstöðu, söguna og baráttuna. Við stöndum sterkari saman.
Samfélagið okkar stendur á krossgötum. Við getum farið í áttina að fáfræði og hræðslu eða valið frelsi og öryggi fyrir framtíðina. Píratar trúa því að öll eigi rétt á að lifa sínu lífi á eigin forsendum óháð kynhneigð, kynvitund og kyntjáningu.
Píratar vilja borg þar sem hinsegin fólk upplifir sig öruggt á djamminu, í sundi, þegar þau sækja þjónustu hjá borginni, í skólum, bókasöfnum og bara alls staðar.
Píratar vilja, sem dæmi, fjármagna hinsegin félagsmiðstöðina, tryggja að borgin vinni kerfisbundið gegn hatursorðræðu, tryggja algilda hönnun t.d. í sundi og við veitingu þjónustu, kanna stöðu hinsegin eldri borgara og tryggja að þau geti lifað örugg á ellilífeyrisárum sínum, kanna stöðu hinsegin fatlaðs fólks, kanna stöðu hinsegin innflytjenda, regnbogavotta alla vinnustaði borgarinnar og vera með hinsegin fræðslu á öllum skólastigum.
Fyrst og fremst viljum við borg þar sem öll finna að þau eru örugg til að lifa sínu lífi á eigin forsendum. Bestum borgina fyrir hinsegin fólk!
Höfundur skipar 5. sæti á lista Pírata fyrir komandi borgarstjórnarkosningar!
Greinina má lesa hér: https://www.visir.is/g/20262871250d/bestum-borgina-fyrir-hinsegin-folk-?fbclid=IwY2xjawRSMqlleHRuA2FlbQIxMQBzcnRjBmFwcF9pZBAyMjIwMzkxNzg4MjAwODkyAAEeYfKQpm24Ac1c-UShwHBfqvQjGtJ_yUFqmctTNMsGMbmyRnkllf0spk4ZUqI_aem_FkFhJ05CNV7WlZXHiKFTRg
