Stjórn Pírata í Reykjavík boðar til félagsfundar laugardaginn 13. desember kl. 13:00 – 14:30 í húsakynnum félagsins að Hverfisgötu 39 í Reykjavík.

Það styttist óðfluga í sveitarstjórnarkosningar og viljum við koma saman og ræða valkosti og möguleika sem Píratar í Reykjavík gætu staðið frammi fyrir í aðdraganda kosninga.

Við hlökkum til að eiga líflegar umræður við breiðan hóp félagsfólks um mögulegar útfærslur kosninga, næstu skref stjórnar varðandi prófkjör, mögulegt samstarf við aðrar hreyfingar eða hvaða sviðsmyndir við sjáum fyrir okkur er við göngum inn í prófkjör og kosningar.

Fundarstjóri verður Oddur Björn Jónsson.

Kaffi, te og piparkökur í boði.

Hlökkum til að sjá ykkur sem flest.

Hátíðarkveðjur,
Stjórn Pírata í Reykjavík.