Auka-aðalfundur Pírata 24. október 2024
Framkvæmdastjórn boðar til auka-aðalfundar þann 24. október kl. 18:00-19:00 á Hverfisgötu 39.
Tilkynnt var á aðalfundi allra Pírata þann 7. september um auka-aðalfund sem haldinn yrði í október til að afgreiða mál sem ekki var unnt að afgreiða á aðalfundinum.
Kosning í þær stöður sem fjallað er um í dagskrárliðum 2.-5.verður opin í a.m.k. 24 klst. fram til kl. 18:30 þann 24. október 2024. Kosning fer fram í kosningakerfi Pírata, á x.piratar.is. Opnað verður fyrir framboð í kosningakerfinu í byrjun næstu viku, og kosning hefst í fyrsta lagi að prófkjöri fyrir þingkosningar loknu.
Skipan fundarstjóra og fundarritara
Kjör endurskoðunarfyrirtækis eða löggilts endurskoðanda skv. tillögu framkvæmdastjórnar
Kjör tveggja skoðunarmanna reikninga
Kjör úrskurðarnefndar
Úrskurðarnefnd er skipuð þremur félagsmönnum og skulu þeir kosnir á aðalfundi ár hvert auk tveggja varamanna. Fulltrúar í úrskurðarnefnd skulu ekki gegna öðrum trúnaðarstörfum fyrir flokkinn á meðan þeir sitja í úrskurðarnefnd (úr 8.2. gr. í lögum Pírata).
Kjör kjörstjórnar
Annað hvert ár skal á aðalfundi kjósa þriggja manna kjörstjórn og þrjá til vara sem tekur til starfa að loknum aðalfundi og þar til næsta kjörstjórn tekur við. Fulltrúinn sem hlýtur besta kosningu skal vera formaður nema kjörstjórn ákveði annað. Kjörstjórn ber ábyrgð á framkvæmd prófkjara og kosninga í stjórnir, nefndir og ráð sem kveðið er á um í 7. kafla laga þessara, ásamt öðrum hlutverkum sem henni er falið með lögum. (úr 4.16. gr. nýsamþykktrar lagabreytingar á lögum Pírata)
Önnur mál