Píratar XP

Við hlustum

Akureyri

Hrafndís Bára Einarsdóttir

Ég brenn fyrir því að búa í samfélagi þar sem allur mannauður er metinn að verðleikum. Að búa í samfélagi þar sem enginn þarf að líða skort og fær tækifæri og umhverfi til að vaxa og dafna, lifa með reisn og þannig verða besta útgáfan til að vera samfélagi sínu til heilla.

Karl Vinther

Ég er fróðleiksfús, vandvirkur, duglegur og hreinskilinn. Ég brenn fyrir sanngirni og vel upplýstum ákvörðunum og er tilbúinn að hlusta á hvern sem er og móta mér skoðanir út frá samtölum.

Erna Sigrún

3. sæti Píratar á Akureyri

Eden Hróa

4. sæti Píratar á Akureyri

Narfi Storm

5. sæti Píratar á Akureyri

Lína Björg

6. sæti Píratar á Akureyri

Áherslur Pírata á Akureyri

Frambjóðendur Pírata á Akureyri

Erna Sigrún Hallgrímsdóttir

3. sæti Píratar á Akureyri

f. 01. desember 1979

 
Ég heiti Erna Sigrún Hallgrímsdóttir og er 42 ára. Ég ólst upp á Suðurnesjum og flutti til Akureyrar fyrir tæpum 10 árum með syni mínum til að hefja nám í Háskólanum. Við féllum bæði fyrir bænum og skutum rótum hérna. Ég er með Mt gráðu í kennarafræðum en er öryrki í dag og vinn í liðveislu í hlutastarfi.
Ég hef verið Pírati síðan 2014 og brenn fyrir jöfnuði og gegnsæi í stjórnsýslunni.

Eden Hróa

4. sæti Píratar á Akureyri

f. 22. nóvember 2002

Ég heiti Eden, er 19 ára og nota fornafnið hán. Ég skipa 4. sæti á lista Pírata á Akureyri og hef búið á og við Akureyri síðan ég var um 8 ára. Ég kláraði sveinspróf í rafeindavirkjun núna um áramótin og vinn sem tæknimaður hjá Öryggismiðstöð Norðurlands, ásamt því að vinna hægt og rólega að stúdentsprófi í Verkmenntaskólanum á Akureyri.

 
Jöfn tækifæri allra og umhverfismál hafa alla tíð verið mér ofarlega í huga. Mig langar að búa í heimi þar sem við setjum jörðina okkar ofar á listann en okkar eigin þægindi, og mun ég gera mitt besta til þess að stuðla að umhverfisvernd í kring um mig. Mig langar líka að búa í heimi án spillingar, án fordóma og án alls kjaftæðis. Við eigum öll rétt á að vera við sjálf og að lifa okkar lífi til fulls

Narfi Storm

5. sæti Píratar á Akureyri

f. 24. desember 2000

Nemi í Verkmenntaskólanum á Akureyri.

Ég heiti Narfi Storm, ég er 22 ára kynsegin einstaklingur sem notar fornöfnin þau og hann. Ég skipa 5. sæti á lista Pírata á Akureyri. Ég er fæddur og uppalinn Akureyringur með rætur á austurlandinu. Ég er nemi í Verkmenntaskólanum á Akureyri og eins er að læra listnám.

Ég er nýlega komin inn í „klassísku“ pólitíkina en hef verið í starfsemi með Hinsegin Norðurlandi síðan 2016 og vinn þess með mörg hinsegin málefni.

Ég vil sjá fjölbreyttara úrræði fyrir krakka og unglinga sem passa ekki inn í hefðbundna kassann sem menntakerfið setur þau í, finna leiðir til að bæta styrkleika þeirra og hjálpa þeim að finna hvað þeim langar að gera. Ég vil líka auka úrval námskeiða fyrir atvinnulausa og öryrkja og einnig fyrir yngra fólk sem er að feta sín fyrstu fótspor í lífinu, t.d. hvernig þau reikna skatta, eldamennsku, og einfaldar viðgerðir heima við.

Svo auðvitað ýta undir lista samfélagið í bænum því lista-laus bær er ekki bær sem er þess virði að búa í.

Lína Björg Sigurgísladóttir

6. sæti Píratar á Akureyri

f. 16. janúar 1985

Verslunarstörf á Glerártorgi

Ég heiti Lína Björg Sigurgísladóttir og er 37 ára Akureyringur. Ég er fædd og uppalin í Eyjafjarðarsveit en flutti í bæinn með foreldrum mínum átta ára og hef varla farið úr þorpinu síðan. Ég vinn í verslun á Glerártorgi og bý með unnusta mínum, þremur börnum og hundi í Holtahverfinu þar sem við erum búin að koma okkur vel fyrir.

Ég er búin að vera pírati alveg frá 2013. Alltaf hefur það verið mér hugleikið að standa við gefin loforð og er lítið fyrir að lofa upp í ermina á mér.

Ég vil leggja áherslu á að auka gegnsæi í stjórnsýslu, íbúalýðræði og úthýsa spillingu. Stefnuskrá Pírata í heild sinni er eins og talað út úr mínu hjarta.

Ég býð mig fram fyrir Pírata og er í 6. Sæti á þeirra lista hér á Akureyri.

Hrafndís Bára Einarsdóttir

1. sæti Píratar á Akureyri

f. 18. júlí 1983

Ég heiti Hrafndís Bára og er 38 ára gömul. Ég á 6 börn, þar af tvö stjúpbörn og einn fósturson. Ég bý á eyrinni ásamt stjúpdóttur minni og tveimur yngstu börnunum mínum. Fyrrverandi maðurinn minn býr svo í næsta húsi og deilum þannig ábyrgð og uppeldi þó við höfum gefist upp á hvort öðru. Ég er ættuð úr Bótinni í Glerárþorpinu og lít alltaf á mig sem Þorpara. Ég er að vísu fædd og uppalin austur á Héraði, í Jökuldalnum, og verð alltaf í hjartanu sveitakrakki.

Ég brenn fyrir því að búa í samfélagi þar sem allur mannauður er metinn að verðleikum. Að búa í samfélagi þar sem enginn þarf að líða skort og fær tækifæri og umhverfi til að vaxa og dafna, lifa með reisn og þannig verða besta útgáfan til að vera samfélagi sínu til heilla.

Ég býð mig fram fyrir Pírata þar sem lögð er ríkuleg áhersla á vandaða og gegnsæja stjórnsýslu, gegn spillingu og með ábyrgð. Loforðaflaumur er til lítils ef engin er eftirfylgnin.

Karl Vinther

2. sæti Píratar í Hafnarfirði

f. 22. febrúar 1983

Ég er tveggja barna faðir og hönnuður, fæddur og uppalinn á Akureyri. Ég hef starfað lengst af í Reykjavík með viðkomu í Færeyjum og Kanada þar sem eiginkona mín stundar doktorsnám.

 
Ég er fróðleiksfús, vandvirkur, duglegur og hreinskilinn. Ég brenn fyrir sanngirni og vel upplýstum ákvörðunum og er tilbúinn að hlusta á hvern sem er og móta mér skoðanir út frá samtölum. Það er að mínu mati siðferðisleg skylda hvers og eins að prófa stjórnmál að einhverju leyti á lífsleiðinni til að geta mótað sér upplýstar og vel ígrundaðar ákvarðanir sem varða samfélagið. Ég lofa engu nema að gera mitt besta.

X
X
X