Kæru Píratar.

Nú erum við komin aftur í gang eftir gott jólafrí og er komið að næsta máli í stefnumótunarvinnunni okkar fyrir sveitarstjórnarkosningarnar í vor.

Núna á nýju ári er planið að hafa stefnumótun í umhverfis-, loftslags- og dýramálum, í lýðræðis-, gagnsæis- og nýsköpunarmálum, í mannréttinda- og jafnréttismálum, í menningarmálum, og í fjármálum.

Dagsetningar fyrir fundi verða settar í dagatalið á Piratar.is auk þess sem útbúnir verða Facebook-viðburðir. Sendar verða einnig út áminningar á þau sem óska þess, sjá skráningu á tengiliðalista fyrir neðan.

Fimmtudaginn, næstkomandi, þann 13. janúar,  verður fyrsti fundur í stefnumótun vegna umhverfis-, loftslags- og dýrastefnu fyrir sveitarstjórnarkosningar í maí á þessu ári. Næstu tvær vikur verður því unnið að þeirri stefnumörkun. 

Fundurinn verður tvískiptur, frá kl. 20-21 er opinn viðburður með sérfræðingum í pallborði sem þekkja vel til þessara málaflokka og eftir hlé verður yfirferð yfir stöðuna í núverandi stefnum.

Í pallborði verða:

• Halldór Þorgeirsson, formaður Loftslagsráðs
• Guðfinna Kristinsdóttir, dýraverndunarsinni 
• Auður Önnu Magnúsdóttir, framkvæmdastjóri Landverndar
  
• Fundarstjóri verður Hrafndís Bára

Fundarplanið fyrir þessa stefnu er að funda dagana 13., 17. og 19. janúar, og hafa lokaúrvinnslu mánudaginn 21. janúar áður en stefnan er send í opið umsagnarferli.

Ertu með góða hugmynd fyrir stefnumótun? Taktu þátt með því að mæta á fundi eða sendu inn þína hugmynd í hugmyndakassann hér að neðan.

Hægt er að að skrá sig á tengiliðalista fyrir málaflokka og fá sendar upplýsingar og áminningar um stefnumótunarfundarhöld þeim tengdum og senda inn hugmyndir í hugmyndakassann hér: https://forms.gle/xG8jL7hsEKTTuuip7

Við viljum hvetja sem flest til að taka þátt í þessari vinnu. Fínn undirbúningur er að fara yfir samþykktar stefnur frá því fyrir sveitarstjórnarkosningar 2018. En þær má finna hér:

Umhverfisstefna: https://x.piratar.is/polity/102/issue/388/

Dýravelferð: https://x.piratar.is/polity/102/issue/371/

Dýraþjónusta Reykjavíkur: https://x.piratar.is/polity/102/issue/370/Hafir þú spurningar eða athugasemdir geturðu haft samband við Pétur Óla, formann stefnu- og málefnanefndar Pírata, í síma 788 5874 eða með því að senda töluvpóst á stefnunefnd@piratar.is.