Framkvæmdarstjórn Pírata sér um allan almennan rekstur félagsins í samræmi við lög Pírata. 

Píratar leggja mikið upp úr gegnsæi og upplýstri ákvarðanatöku. Þess vegna eru allir fundir framkvæmdaráðs opnir, nema annað sé sérstaklega tekið fram. Einnig eru fundargerðir ráðsins aðgengilegar til þess að tryggja að rökstuðningur sé til staðar fyrir þeim ákvörðunum sem teknar eru. Allar fundargerðir Pírata má finna á Github.

Í lögum Pírata stendur að bókhald félagsins skuli vera opið almenningi á vefsíðu félagsins. Það skal uppfært jafnóðum með fyrirvara um villur og samþykki aðalfundar. Samþykktir ársreikningar skulu einnig liggja fyrir á vefsíðu félagsins. Bókhald Pírata má finna á Github.