Píratar XP

Pírataárið 2021 í Reykjavík

Dóra Björt Guðjónsdóttir oddviti Pírata í borgarstjórn Reykjavíkur gerir upp árið 2021 fyrir hönd borgarstjórnarflokksins.

Píratar í borg­ar­stjórn hafa í góðri sam­vinnu fjög­urra flokka skilað miklum árangri. Ætla ég fyrir hönd borg­ar­stjórn­ar­flokks Pírata að fara yfir tíu mál­efni sem standa upp úr á árinu 2021 en þó er af nógu að taka.

1) Efl­ing lýð­ræðis

Fyrsta lýð­ræð­is­stefna Reykja­víkur var sam­þykkt á árinu. Meðal aðgerða eru rót­tækar nýj­ungar eins og íbúa­dóm­nefnd, aðgengi­legri lýð­ræð­is­gátt og borg­ara­þing auk verk­efna sem munu styðja við aukið gagn­sæi og lýð­ræð­is­þátt­töku ungs fólks.

Hverfið mitt gekk í end­ur­nýjun líf­daga með meira sam­ráði, breyttri tíma­línu og stærri pen­inga­potti í hvert sinn með fjöl­breytt­ari og stærri verk­efn­um. Þátt­takan hefur aldrei verið betri og tók stórt stökk frá síð­ustu umferð.

Síð­ast en ekki síst er lýð­ræð­i­svæð­ing Sam­taka sveit­ar­fé­laga á höf­uð­borg­ar­svæð­inu og byggða­sam­laga sveit­ar­fé­lag­anna eins og Sorpu og Strætó. Píratar komu að nýrri umgjörð sem styrkir lýð­ræð­is­lega aðkomu kjör­inna full­trúa að stefnu­mótun og stórum verk­efnum byggða­sam­lag­anna með reglu­legum stefnu­þingum kjör­inna full­trúa sem og stefnu­ráði.

2) Aukið gagn­sæi og aðhald með spill­ingu

Gagn­sjá Reykja­víkur var full­fjár­mögnuð og hönnuð á árinu og mun fyrsta útgáfa fljót­lega líta dags­ins ljós sem mun efla upp­lýsta ákvarð­ana­töku.

Ný vef­síða var sett á lagg­irnar með auð­skild­ari texta og þýð­ingum á önnur tungu­mál en íslensku.

Reykja­vík­ur­borg er metn­að­ar­full þegar kemur að vernd upp­ljóstr­ara. Ný upp­ljóstr­un­ar­gátt var tekin í gagnið hjá Reykja­vík­ur­borg sam­hliða nýjum reglum um vernd upp­ljóstr­ara sem gengur lengra en ný lög um vernd upp­ljóstr­ara kveða á um.

3) Lofts­lags­málin

Píratar leggja mikið kapp á lofts­lags­málin og hefur stefna Pírata í bæði skiptin verið talin best út frá ,,Sól­inn­i,” matskvarða Ungra umhverf­is­sinna.

Breytt aðal­skipu­lag Reykja­víkur var sam­þykkt á árinu með metn­að­ar­fyllri mark­mið­um. Að sam­göngur verði kolefn­is­hlut­lausar án jarð­efna­elds­neytis og að hlut­deild einka­bíls­ins fari undir 50% af öllum ferð­um.

Píratar áttu lyk­il­þátt í sam­þykktri lofts­lags­á­ætlun Reykja­víkur með meira fjár­magni í inn­viði fyrir gang­andi og hjólandi, umhverf­is­vott­uðum hverf­um, ræktun lofts­lags­skóga og end­ur­heimt 60% vot­lendis fyrir 2040. Hjól­reiða­á­ætlun sem einnig var sam­þykkt gengur út á aukið fjár­magn í gerð hjóla­stíga, fleiri hjóla­stæði, aukna vetr­ar­þjón­ustu á hjóla­stígum og metn­að­ar­fyllri mark­mið um hlut­deild hjól­reiða.

Píratar voru leið­andi í áætlun um lækkun hámarks­hraða og fjölgun vist­gatna í borg­inni til að minnka mengun og bæta öryggi fyrir gang­andi og hjólandi.

Á árinu var brúna tunnan fyrir líf­ræna úrgang loks tekin í gagnið í Reykja­vík. Úr þessum úrgangi á að útbúa nýti­lega moltu auk met­ans í nýrri Gas- og jarð­gerð­ar­stöð.

4) Skaða­minnkun

Skaða­minnkun er Pírötum hjart­ans mál en orðið kom varla fyrir í gögnum Reykja­víkur fyrir tíð Pírata í borg­ar­stjórn.

Hús­næði fyrir heim­il­is­lausa og fjár­magn í mála­flokk­inn hefur verið tvö­faldað á kjör­tíma­bil­inu. Unnið er að því að finna smá­hýs­unum stað byggt á hug­mynda­fræði um hús­næði fyrst án skil­yrða.

Rótin fékk auk­inn fjár­stuðn­ing til að styrkja Konu­kot með mik­il­vægum end­ur­bótum auk þjón­ustu við tvö glæný smá­hýsi fyrir konur sem stað­sett verða við Konu­kot.

Þau tíma­mót urðu að borg­ar­stjórn sam­þykkti að opna neyslu­rými í Reykja­vík. Næsta skref er afglæpa­væð­ing neyslu­skammta svo rétt­ar­staða not­enda sé skýr­ari enda lög­legt að neyta innan veggja neyslu­rýmis en ólög­legt að bera efni fyrir utan það. Píratar á þingi hafa lagt fram frum­varp þess efnis sem nýtur von­andi braut­ar­geng­is.

5) Jafn­rétti í víðum skiln­ingi

Unnið hefur verið að jafn­rétti í víðum skiln­ingi á árinu undir stjórn Pírata í mann­réttinda­ráði borg­ar­inn­ar. Borg­ar­stjórn sam­þykkti aukið fjár­magn í hinsegin félags­mið­stöð­ina svo efla mætti félags­mið­stöð­ina og mæta auk­inni aðsókn.

Áfram heldur þrýst­ingur á reglu­gerð­ar­breyt­ingar vegna inn­leið­ingu laga um kyn­rænt sjálf­ræði til að geta haft sal­erni Reykja­víkur ókyn­greind.

Ókyn­greindir klefar verið útbúnir í öllum sund­laugum Reykja­víkum og lauk því verk­efni loks á árinu.

Gerðar voru leið­bein­ingar fyrir starfs­fólk íþrótta­mann­virkja Reykja­víkur til að efla starfs­fólkið í því að standa með mann­rétt­indum og koma í veg fyrir óþægi­legar upp­lif­anir trans og kynsegin fólks sem geta eðli­lega valið um ókyn­greinda eða kyn­greinda klefa.

Sam­þykkt var að bjóða upp á fríar tíða­vörur í grunn­skólum og félags­mið­stöðv­um, íslensku­kennsla fyrir börn sem tala ekki íslensku var aukin og nýr aðgeng­is­sjóður ramp­aði upp Reykja­vík.

6) Staf­ræn bylt­ing

Risa­á­tak Reykja­víkur í staf­rænni bylt­ingu hófst á árinu undir for­ystu Pírata með tíu millj­örðum á þremur árum. Við nýtum tækn­ina og hug­vitið til að nútíma­væða og betrumbæta þjón­ustu á for­sendum íbúans og minnka um leið ves­en, sóun og meng­un.

Reykja­vík var á árinu valin ásamt Amster­dam úr hópi borga í Evr­ópu í stórt staf­rænt þróun­ar­verk­efni á vegum Bloomberg Philantrophies og Harvard háskóla með sex leið­andi borgum á heims­vísu. Í þessu felst klapp á bakið fyrir vel unnið verk en líka trú á getu borg­ar­innar til að fylgja eftir metn­að­ar­fullum áætl­unum næstu þrjú árin. Þessi fylgdi stór styrkur upp á 2,2 millj­ónir doll­ara eða tæpar 300 millj­ónir króna, ásamt stuðn­ingi helstu sér­fræð­inga í heimi og mik­il­vægu sam­starfs­neti.

7) Myglu­mál í hús­næði borg­ar­innar

Útbú­inn var nýr verk­fer­ill til fram­tíðar um við­brögð og verk­lag og hvernig beri að bregð­ast við þegar koma upp raka- og myglu­mál í hús­næði borg­ar­innar með aðstoð helstu sér­fræð­inga lands­ins í mála­flokkn­um.

Þetta er mik­il­vægur áfangi í því að draga lær­dóm af Foss­vogs­skóla­mál­inu þar sem ýmis­legt hefði betur mátt fara varð­andi verk­stjórn, vinnu­brögð, upp­lýs­inga­miðlun og sam­skipti við for­eldra. Við erum með þessu að axla okkar ábyrgð svo að öll börn megi búa við heil­næmt hús­næði og líða vel í skól­an­um.

Að sama skapi var ákveðið að ráð­ast í mikið við­halds­á­tak í skóla­hús­næði byggt á heild­ar­út­tekt á ástandi skóla­mann­virkja til kom­ast á undan vand­an­um. Verið er að verja 25-30 millj­örðum í það verk­efni á næstu 5-7 árum auk þess sem á að upp­færa og bæta hús­næð­is­að­stöð­una í skólum og stuðla að algildri hönnun og aðgengi fyrir alla.

8) Mál­efni dýra

Dýra­þjón­usta Reykja­víkur sem var ein af kosn­inga­á­herslum Pírata fyrir síð­ustu kosn­ingar var sett á lagg­irnar á árinu. Þar var öll þjón­usta við dýr og dýra­eig­endur sam­einuð á einum stað til að bæta, ein­falda og auka skil­virkni þjón­ustu við dýr og dýra­eig­end­ur.

Mál­efni katta voru með þessu flutt frá Mein­dýra­eft­ir­lit­inu og Hunda­eft­ir­litið lagt nið­ur. Sam­hliða því var hunda­hald loks­ins form­lega leyft í Reykja­vík, hunda­gjöld lækkuð um allt að helm­ing sem eru nú lægst á höf­uð­borg­ar­svæð­inu með auk­inni fjár­fest­ingu í betri og fleiri hunda­gerð­um.

Með þessu viljum við gera dýrum og gælu­dýra­eig­endum hærra undir höfði enda dýr mik­il­vægur hluti af borg­ar­sam­fé­lag­inu.

9) Vald­eflum fólk með öfl­ugri vel­ferð­ar­þjón­ustu

Aðgerðir gegn sára­fá­tækt voru sam­þykktar í Reykja­vík á árinu með auknum stuðn­ingi, rýmkun reglna um fjár­hags­að­stoð og auk­ins sveigj­an­leika.

Sam­hliða er stuðlað að betri þjón­ustu við börn sem eiga for­eldra á fjár­hags­að­stoð. Skil­yrði fyrir styrki vegna náms á fram­halds­skóla­stigi voru rýmkuð og ald­urs­þak fjar­lægt í takt við áherslur Pírata. Það vald­eflir og aðstoðar fólk við að verða sjálf­bjarga en okkar skýrasta dæmi er vara­borg­ar­full­trú­inn okkar Rann­veig Ernu­dóttir sem studdi hana sem ein­stæða móður við að klára stúd­ent­inn.

Á árinu var sam­þykkt fyrsta vel­ferð­ar­stefna borg­ar­innar sem unnin var í þver­fa­gegri sam­vinnu við not­endur og snýst um aðgengi­lega vel­ferð­ar­þjón­ustu út frá þörfum hvers og eins.

Öll áhersla var lögð á að tryggja efna­minni hópum þak yfir höf­uð­ið. Borgin hefur úr að skipa 78% félags­legra íbúða á höf­uð­borg­ar­svæð­inu en þó aðeins 56% íbúa. Reykja­vík byggir lang­mest af íbúðum fyrir efna­minni hópa byggt á lögum um almennar íbúðir í sam­vinnu við meðal ann­ars verka­lýðs­hreyf­ing­una og stúd­enta eða 73% slíkra íbúða á öllu land­inu en 86,7% á höf­uð­borg­ar­svæð­inu.

10) Jafn­rétti til náms

Nýtt og gagn­særra grunn­skóla­líkan var sam­þykkt á árinu með full­fjár­mögn­uðum grunn­skólum til að mæta börnum óháð grein­ingum og grípa þau með snemmtækri íhlutun að leið­ar­ljósi. Með þessu er tekið mið af félags­legum aðstæðum í hverfum svo að öll börn hafi sömu tæki­færi óháð efna­hag.

Við höfum á árinu tekið skref í átt að bættri þjón­ustu við börn þar sem kerfin vinna þvert á að þeirra vel­ferð á hverf­is­grund­velli með verk­efn­inu Betri borg fyrir börn.

Píratar leiddu gerð nýrrar og metn­að­ar­fullrar stefnu um fram­tíð tón­list­ar­náms með áherslu á aukið aðgengi barna að tón­list­ar­námi óháð efna­hag með efl­ingu skóla­hljóm­sveita, stofnun barna­kóra og fjölgun plássa í tón­list­ar­skól­um.

Nú árið er liðið

Píratar í borg­ar­stjórn hafa sann­ar­lega lagt sín lóð á vog­ar­skál­arnar til að skapa rétt­lát­ara, grænna og betra lífs­gæða­sam­fé­lag fyrir öll með gagn­sæi og lýð­ræði að leið­ar­ljósi. Síðan Píratar sett­ust í borg­ar­stjórn árið 2014 hefur margt í borg­inni breyst til hins betra en á núver­andi kjör­tíma­bili bætt­ist enn í kraft­inn með auknum liðs­styrk Pírata. Árið 2021 var sér­stakt ár sem mót­aði líf okkar allra en við nýttum það til góðs.

Gleði­leg jól kæru borg­ar­búar og Íslend­ingar all­ir. Gott og far­sælt kom­andi ár með kærri þökk fyrir það sem er að líða.

Dóra Björt er odd­viti Pírata í Reykja­vík.

Upprunaleg birtingKjarninn

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X