Píratar XP

Aðgengileg borg fyrir alla

Borgarstjórn leggur áherslu á velferð og aðgengi fatlaðs fólks

Nú er dagur aðgengis fyrir alla runninn upp. Allt fólk óháð aðgengisþörfum á að geta lifað sjálfstæðu og góðu lífi í okkar samfélagi. Gleymum því þó ekki að upphaflega er það skipulagt út frá þörfum ófatlaðs fólks og því verður að breyta. Gott aðgengi fyrir fatlað fólk gagnast þar að auki öllum. Núverandi meirihluti borgarstjórnar leggur mikla áherslu á aukna velferð og aðgengi fatlaðs fólks.

Betri Reykjavík

Við hjá Reykjavíkurborg erum að safna aðgengissögum íbúa í tengslum við mótun aðgengisstefnu Reykjavíkur og ég hvet þig til að taka þátt með því að senda þína reynslusögu af aðgengismálum í borginni inni á Betri Reykjavík.

Ný og öflugri samráðsnefnd um málefni fatlaðs fólks tók til starfa á kjörtímabilinu því við viljum tryggja skilvirka aðkomu fatlaðs fólks að ákvarðanatöku og þar er ég svo heppin að eiga sæti sem fulltrúi borgarstjórnar. Við róum öllum árum að því að fatlað fólk geti komist sinnar leiðar og notið útivistar á við ófatlað fólk og erum því meðal annars að gera nýjan stíg sem mun bæta verulega aðgengi að útivistarsvæðinu í Öskjuhlíð, auka aðgengi að útisvæðinu við Kjarvalsstaði á Klambratúni og ráðast í endurbætur strætóbiðstöðva. Samtals nýlegar fjárfestingar upp á um 300 milljónir króna.

Bætt aðgengi er líka klókt í viðskiptalegum tilgangi

Nú erum við þar að auki að koma að stofnun aðgengissjóðs til að auka aðgengi fatlaðs fólks að þjónustu, verslun og veitingahúsum í Reykjavík. Dagurinn í dag snýst um mikilvægi þess að auka meðvitund um aðgengi. Ekki bara út frá mannréttindum heldur líka út frá viðskiptalegum sjónarmiðum. Bætt aðgengi er nefnilega ekki bara hið rétta heldur líka klókt í viðskiptalegum tilgangi. Um leið og réttlátara samfélag er samkeppnishæfara samfélag, styrkir aukið aðgengi samkeppnishæfni kaffihúsa, veitingastaða og verslana. Að þessu tilefni verður nýjum aðgengissjóði Reykjavíkur og verkefninu „Römpum upp Reykjavík“ ýtt úr vör í dag.

Áfram höldum við baráttunni fyrir réttlátara, betra og aðgengilegra samfélagi!

Upprunaleg birtingFréttablaðið

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X