Píratar XP

Innviðauppbygging fyrir rafbíla

Nýskráðir bílar á árinu eru um 4.000 á Íslandi og þar af eru 37% rafbílar. Því er ljóst að rafbílavæðing er komin á fullan skrið. Tengitvinnbílar eru svo um 27% og því þarf allt að 64% nýinnfluttra bíla á hleðslustöðvum að halda.

Heimahleðslustöðvar eru besti kosturinn, en eru eðlilega algengastar í sérbýlum eða þar sem bílskúrar tilheyra íbúðum í fjölbýli. Það er hins vegar ljóst að rafbílaeign í venjulegum fjölbýlum fer stórvaxandi auk þess sem ferðafólk á rafbílum þarf að komast að hleðslustöðvum.

Fjölgun rafbíla kallar því á innviðauppbyggingu í formi hleðslustöðva sem þjóna almenningi ásamt átaki í uppsetningu hleðslustöðva við fjölbýli. Þar er Hafnarfjörður engin undantekning.

Brýn þörf er á hvötum til verslana, fyrirtækja og veitingastaða um að setja upp eða fjölga hleðslustöðvum fyrir starfsfólk og viðskiptavini. Slík fyrirtæki sýna í verki umhverfislega og samfélagslega ábyrgð og auðvelda t.d. líf ferðafólks, sem og þeirra rafbílaeigenda sem eiga ekki kost á heimahleðslu. Samhliða þyrftu stofnanir og samkomustaðir í Hafnarfirði að setja upp hleðslustöðvar, þannig að hægt sé að stinga í samband meðan skotist er á fund eða í sund.

Stóra skrefið væri svo stigið með markvissri aðstoð við eigendur fjölbýlishúsa. Hvatinn hjá íbúum er þegar til staðar en þörf er á aðstoð hvað varðar upplýsingar um lög, reglur og styrki til uppsetningar hleðslustöðva. Þá þarf að liggja fyrir hve marga bíla er hægt að hlaða og hve hratt miðað við getu heimtauga, og í framhaldinu finna hagkvæmustu lausnina á hverjum stað fyrir sig. Ef til vill væri markvissast að þessi vinna væri á hendi sérhæfðs starfshóps á vegum Hafnarfjarðarbæjar.

Tæpast er raunhæft að breyta öllum heimastæðum í hleðslustæði, en slík hleðsla er þó alltaf besti kosturinn og ber að hafa sérstaklega í huga þar sem um er að ræða nýbyggingar og deiliskipulag byggðar.

Haraldur R. Ingvason,
oddviti Pírata í Hafnarfirði

Leifur Eysteinn Kristjánsson,
frambjóðandi í 7. sæti fyrir Pírata Í Hafnarfirði

Upprunaleg birtingFjarðarfréttir

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X