Píratar XP

Aðgengismál í stóra samhenginu

Rampar eru sennilega það sem flest okkar hugsa um þegar talað er um aðgengi. Vissulega eru háir þröskuldar, tröppur, stigar og þrengsli mörgu fólki hindrun, en í stóra samhenginu eru aðgengismál miklu víðtækari og ná m.a. utan um félagslegt aðgengi, stafrænt aðgengi og aðgengi fólks að umhverfi sínu og þjónustu. Aðgengismál í víðu samhengi snerta því mikinn fjölda fólks.


Undir félagslegt aðgengi falla möguleikar fólks til að taka virkan þátt í samfélaginu, stunda nám og sinna áhugamálum. Þessir möguleikar takmarkast oft af félagslegri stöðu eða fjárhagslegri getu. Skortur á þjónustu eins og túlkum getur takmarkað aðgengi fólks og sömuleiðis geta tekjuöflunarmöguleikar fatlaðs fólks verið takmarkaðir.


Sífellt meira af þjónustu bæjarfélaga, fyrirtækja og þjónustustofnana fer fram yfir netið. Markmiðið er að einfalda lífið og spara tíma og fyrirhöfn. Stundum gleymist samt að gera ráð fyrir fólki sem einhverra hluta vegna á erfitt með að nýta þessar lausnir og hefur krafa um rafræn skilríki við slíka þjónustu valdið fötluðu fólki erfiðleikum. Þá getur hönnun vefumhverfisins sjálfs verið ófullnægjandi og það því illfært fólki sem glímir við alvarlega sjónskerðingu, lit- eða lesblindu.


Áðurnefndir rampar eru dæmi um eftirálausnir þegar aðgengi að umhverfi hefur verið ófullnægjandi og ekki tekið tillit til algildrar hönnunar. Ójafnar gangbrautir, skarpir kantar og skortur á merkingum fyrir sjónskerta geta valdið vandræðum og óhöppum. Nýlega hafa verið tekin í notkun snjallskýli fyrir almenningssamgöngur sem sýna í rauntíma hvenær næsti strætó kemur og númer hvað hann er. Upplagt væri að bæta við talgerfli til að koma þessum upplýsingum til sjónskertra farþega – svipað og er í nýrri strætisvögnum, sem segja farþegum sínum hvaða stoppistöð er næst.


Píratar leggja áherslu á aðgengi í víðum skilningi. Nauðsynlegt er að algild hönnun sé viðhöfð í öllu skipulagi og að virkt og raunverulegt samráð sé haft við alla íbúa í allri þjónustu.

Haraldur R. Ingvason og Hildur Björg Vilhjálmsdóttir, frambjóðendur í 1. og 2. sæti fyrir Pírata í Hafnarfirði

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X