Síðasta fjárhagsáætlun núverandi bæjarstjórnar Kópavogs

Fjárhagsáætlun og forgangsröðun Kópavogs

Bæjarstjórn Kópavogs samþykkti í síðustu viku fjárhagsáætlun fyrir árið 2022. Eftir breiða samvinnu þvert á flokka þar sem fulltrúar bæjarstjórnar, nefnda og ráða auk starfsfólks, mótuðu stefnur fyrir hvert svið fyrir sig, varð til aðgerðaáætlun sem er til grundvallar í fjárhagsáætlun næsta árs (og vonandi ára). Ekki tókst að fjármagna alla liði aðgerðaáætlananna, sem verða vonandi aðgengilegar á vef bæjarins von bráðar, en niðurstaðan var að forgangsraða í þágu málefna barna, lýðheilsu og velferðar. Mörg góð verkefni eru á döfinni sem við Kópavogsbúar getum öll verið mjög stolt af.

Sértæk húsnæðisúrræði fyrir einstaklinga með fjölþættan vanda

Eitt af þeim mikilvægu verkefnum sem verður fjármagnað er fyrirhugað samstarf við nágrannasveitarfélögin okkar Hafnarfjörð og Garðabæ, varðandi sértæk húsnæðisúrræði fyrir einstaklinga með fjölþættan vanda, þ.e. fólk sem er með vímuefnavanda auk annars vanda. Því miður er það svo að fólk sem treystir sér ekki til eða getur ekki hætt að nota vímuefni, á gjarnan mjög erfitt með að fá húsnæði og það getur þróast í krónískt heimilisleysi.

Skaðaminnkandi nálgun

Þessi hugmyndafræði, svokölluð skaðaminnkandi nálgun, felur í sér að draga úr skaðlegum áhrifum vímuefnaneyslu á notendur vímuefna, fjölskyldur þeirra og nærsamfélagið allt. Þetta er viðleitni til að lágmarka skaðann sem neyslan veldur fremur en að fyrirbyggja sjálfa notkunina. Þannig er gengið út frá því að húsnæði sé grunnþörf sem telst til mannréttinda. Fyrst þarf að mæta þessari grunnþörf til þess að einstaklingurinn geti ráðið við aðrar áskoranir. Það hefur sýnt sig að þessi nálgun dregur úr bæði bráðakomum og innlögnum á sjúkrahús, dregur úr tíðni fangelsunar, leiðir til almennt meiri lífsgæða íbúanna og aðstandenda þeirra og dregur úr álagi á nærsamfélagið. Sumsé mjög þörf aðgerð sem vonandi vinnst hratt og vel í góðu samstarfi.

Samgöngustyrkir fyrir starfsfólk bæjarins

Ein þeirra aðgerða sem eru á listanum og ég hefði gjarnan viljað sjá verða að veruleika eru samgöngustyrkir fyrir starfsfólk bæjarins, en það felur í sér að starfsfólk geri samning um að koma til vinnu með öðrum ferðamáta en bíl, að minnsta kosti flesta daga vikunnar. Ekki var þverpólitísk sannfæring um ágæti slíkra styrkja og ef til vill er rétt að þetta er að einhverju leyti djarft skref og kostnaðarsamt. Raunin er þó sú að sífellt fleiri vinnuveitendur hafa á undanförnum árum tekið upp á að gera samgöngusamninga við starfsfólk sitt og ávinningurinn er margvíslegur. Ferðir starfsmanna til og frá vinnu eru gjarnan langstærsti þáttur kolefnislosunar sem tengist venjulegri skrifstofustarfsemi og samgöngusamningar eru eitt besta tækið sem vinnuveitendur hafa til að hvetja starfsmenn til vistvænna samgangna. Landspítalinn, stærsti vinnustaður landsins, hlaut til dæmis loftslagsviðurkenningu Festu árið 2020 meðal annars vegna góðs árangurs af samgöngusamningum við starfsfólk sitt. Eftir að spítalinn fór í samstarf með Strætó árið 2019 um niðurgreiðslu árskorta fjölgaði virkum árskortum starfsfólks úr 130 í 540 á einu ári. Það er ótvíræður árangur! Fyrir utan sparnað í kolefnislosun dregur fækkun bílferða bæði úr umferðarteppu og svifryksmengun. Rúsínan í pylsuendanum er svo að fólk sem notar virka ferðamáta er að jafnaði ánægðara, heilbrigðara og afkastameira en fólk sem ekur til vinnu.

Við þurfum að forgangsraða í þágu loftslagsins!

Við þurfum að vera róttæk í aðgerðum til þess að draga úr kolefnislosun. Fjárhagsáætlun fyrir næsta ár er sú síðasta sem þessi bæjarstjórn vinnur á kjörtímabilinu. Sveitarstjórnarkosningar eru eftir tæpa fimm mánuði. Vonandi hefur ný bæjarstjórn kjarkinn sem þarf til að forgangsraða í þágu loftslagsins í næstu fjárhagsáætlunarvinnu

Upprunaleg birtingKópavogsblaðið

Kommentakerfi Pírata

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

On­lyFans, klám og ó­skyn­sam­legar refsingar

Umræðan um klám er mikilvæg og henni er hvergi nærri lokið. Það eru margir vinklar á henni...

Píratar í 10 ár og meira

Píratahreyfingin er 16 ára gömul á heimsvísu en 10 ára gömul á Íslandi. Árið 2013 tóku Píratar...

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þegar kerfið segir nei

Þegar sambandsslit ganga vel eru þau samt erfið. Þegar þau ganga illa og annar aðilinn fæst jafnvel...

A Decade in Icelandic Politics

There is a saying that a week is a long time in politics, so the fact that...

Áratugur í Íslenskum stjórnmálum

Það er sagt að vika sé langur tími í pólitík, svo það hlýtur að teljast ágætt að...

Manneskjan í jakkafötunum

Áður en ég byrjaði í stjórnmálum sá ég þingmenn alltaf fyrir mér sem fólk í jakkafötum og...

Destroyed by Unjust Law

We tend to think of our own interests rather than others when our safety is threatened, but...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði á Laugalandi í...

Suðvesturkjördæmi tapar þingmanni

Okkur mun ekki skorta áskoranir á nýju ári. Farsóttir, náttúruhamfarir og sveitarstjórnarkosningar auk þess sem Alþingi hefur...

Meina þingmenn það sem þeir sögðu?

Ríki heims stefna á að vinna langtum meira jarðefnaeldsneyti en óhætt er, ætli þau að ná markmiðum...

Lýðræði er miklu meira en bara kosningar

Slagorð Pírata fyrir alþingiskosningarnar er „Lýðræði - ekkert kjaftæði“ og ekki að ástæðulausu.  Píratar voru stofnaðir til þess...

Skattarnir sem þú sérð ekki

Við Píratar erum stundum gagnrýnd fyrir það að tala mikið um aðgerðir gegn spillingu. Það sé óþarfi...

Ert þú með lægri laun en þing­maður?

Píratar telja að skattkerfið eigi að vera tvennt: Stigvaxandi (á ensku: progressive) og grænt. Það þýðir annars vegar að...