Skip to main content

Jack Hrafnkell Daníelsson



Framboð í prófkjör Pírata í suðurkjördæmi 2017
Ég er fæddur 30. janúar 1965 á Fæðingarheimili Reykjavíkur af Bandarískri konu og ættleiddur við
fæðingu til fólks sem gat ekki eignast börn.
Foreldrar mínir sem tóku mig að sér eru dæmigert alþýðufólk sem ólst upp við þau kjör sem
einkenndu ísland frá því um 1930 til 1970 og fólst í því að börn byrjuðu að vinna við hlið hinna
fullorðnu um leið og þau gátu og þurftu alla tíð að hafa fyrir hlutunum og reiða sig á sjálf sig í
lífsbaráttunni.
Faðir minn, Daníel Jónsson var fæddur og uppalinn í Hvallátrum á Breiðafirði, fæddur 2. desember
1934 og lést 20 júlí 2013 eftir erfið og langvarandi veikindi en móðir mín, Steinunn Bjarnadóttir,
fædd 25. febrúar 1935 að Drangsnesi í Strandasýslu er enn við góða heilsu og býr í Reykjavík.
Fyrstu tvö árin ólst ég upp í Hvallátrum en þaðan lá leiðin í Kópavoginn þar sem foreldrar mínir
bjuggu í rúmt ár áður en þau festu kaup á jörðinni Drangar á Skógarströnd sem liggur við
sunnannverðan Hvammsfjörð, rétt innan við eyjaklassann sem lokar Hvammsfjörðinn af frá opnu
hafi Breiðarfjarðar. Þangað fluttu þau síðan á H-daginn 1968 og hófu þar búskap sem entist í 32 ár
en þá seldu þau jörðina og fluttust búferlum til Reykjavíkur til að eyða þar ellidögunum.
Ég ár þrjú börn, Daníel sem er fæddur 1985, Dagbjört sem er fædd 1986 og Sveinn sem er fæddur
1992 og dáinn 2012.
Ég hef unnið við margt, bæði til sjós og lands og þekki vel inn á kjör almennings í landinu. Síðan
2001 hef ég verið á örorkubótum vegna slyss sem ég varð fyrir 1999 en það kláraði endanlega á mér
bakið og við það fór stoðkerfi líkamans í rusl, ég greinist með 2 tegundir gigtar og sú þriðja er nú
komin líka vel á veg.
Ástæður þess að ég hef ákveðið að bjóða mig fram eru aðalega þær að mér er gjösamlega ofboðið
framkoma stjórnvalda við almenning í landinu, gengdarlausar lygar og svik þeirra sem stjórna
hverju sinni gagnvart almenningi og síðast en ekki síst sú eiginhagsmunastefna stjórnarherrana og
kúgun almennra þingmanna í stjórnarflokkunum til hlýðni við sig því að öðrum kosti…
Ég hef margt fram að færa. Hætti í skóla 15 ára og hef verið bóndi, sjómaður, verkamaður og margt
fleira en er öryrki í dag vegna margra óhappa og slysa í gegnum tíðina. Einnig má segja að ég hafi
unnið mér til óbóta þar sem ég stundaði oftar en ekki tvær til þrjár vinnur samtímis sem allar
kröfðust mikils af mér og vinnutíminn langur oft og tíðum sem gerir það að verkum að fólk sem
þannig vinnur brennir sig út langt fyrir aldur fram og það er kanski ein helsta ástæðan fyrir örari
fjölgun öryrkja hér á landi en víða annarsstaðar.
Ég vil sjá réttlátara þjóðfélag á íslandi framtíðarinar, þjóðfélag þar sem enginn þarf að lifa við skort
og enginn þarf að neita sér um mentunn eða heilbrigðisþjónustu eins og núna er.
Ég vil að ríkisstjórnin reki velferðarkerfið, heilbrigðiskerfið og menntakerfið en það sé ekki
einkarekið þó svo vissulega mætti einhver hluti þess vera það að vissu marki.
Ég vil nýja stjórnarskrá.
Ég vil alskilnað framkvæmdavalds og löggjafarvalds þannig að ráðherrar verði ráðnir eða þingmenn
sem taka að sér ráðaneyti geti ekki setið sem þingmenn á sama tíma.
Ég vil setja lágmark á laun þannig að þau verði aldrei undir þeim viðmiðunarmörkum sem sett
verða hverju sinni til framfærslu og að lágmarkslaun verði aldrei lægri en svo að fólk geti ekki
framfleytt sér á þeim miðað við 38 stunda vinnuviku.
Bætur almannatrygginga verði hækkaðar strax upp í viðmiðunarmörk og skerðingar afnumdar enda
er ótækt að ríkið steli lífeyrissparnaði almennings sem greitt hefur í lífeyrissjóði árum og áratugum
saman eins og nú er gert.
Ég vil sjá breytingar í landbúnaðarmálum þar sem bændur þurfa ekki að vinna tvöfalda vinnu til að
hafa í sig og á, heldur á búskapurinn að geta staðið undir sér án þess að almenningur þurfi að borga
það okurverð sem nú er á landbúnaðarvörum þar sem meira en helmingur verðsins fer til milliliða
frá bónda til neytanda.
Ég vil réttlátara fiskveiðistjórnunarkerfi þar sem þjóðin fær sinn réttláta skerf af auðlindinni en
gráðugir útgerðarmenn sitji ekki nánast einir að þeim gífurlega hagnaði sem þessi auðlind er og
hirði, eins og nú er, allt að 80% hagnaðarins og stingi í eigin vasa.
Þetta er aðeins brot af því sem ég vil að gert verði eftir næstu kosningar því ef fjórflokkurinn heldur
völdum sínum í framtíðinni þá heldur ástandið bara áfram að versna og almenningur þjáist meira í
framtíðinni.
Ég hef verið misduglegur við að tjá skoðanir mínar en á vefsíðu minni, jack-daniels.is skrifa ég
pistla og hugrenningar mínar og hef gert í nokkur ár svo af nógu er að taka ef fólk vill sjá hvar ég
stend í stjórnmálum og í lífinu svona almennt.
Það er líka hægt að senda mér póst með fyrirspurnum ef fólk hefur einhverjar spurningar sem það
óskar svara við þá er hægt að senda mér póst í gegnum síðuna.
Með vinsemd og virðingu, Jack Hrafnkell Daníelsson.