Skip to main content

Birgitta Jónsdóttir



Birgitta Jónsdóttir er einn af stofnendum Pírata, en hún hefur verið þingmaður fyrir bæði Borgarahreyfinguna og Pírata.

Birgitta hefur unnið við fjölbreytt störf þ.m.t. við uppvask, fiskvinnslu, skrifstofustjórn, verslunarstörf, skipulagningu á listrænum og andófsviðburðum af ýmsu tagi, umbrot á bókum, grafík, þýðingar, blaðamennsku, ritstörf og fyrirtækjastofnun

Birgitta hefur mikinn áhuga á að breyta starfsháttum á Alþingi og auka ábyrgð þess. Hún segir sjálf: “Það gengur ekki lengur að þingið sé svona máttlaust gagnvart framkvæmdavaldinu. Ég hef áhuga á að setja á fót fastanefnd á þinginu: Framtíðarnefnd þar sem mótuð væri í þverpólitískri sátt, langtímamarkmið, eins og t.d. endurreisn heilbrigðiskerfisins, breytingar á menntastefnu í anda þeirrar finnsku, lífeyrir, sjálfbærni og raf/metanbílavæðing.”