Við erum öll barnavernd

Ofbeldi í ýmsum myndum er útbreitt vandamál, og sérstaklega alvarlegt þegar um börn er að ræða enda getur það haft varanleg áhrif á velferð þeirra og líðan. Síðastliðinn vetur fór að bera á nýrri birtingarmynd ofbeldis meðal barna og unglinga þar sem fyrirhuguð slagsmál voru auglýst á samfélagsmiðlum, þau tekin upp og efninu dreift. Í sumum tilfellum mjög grófar og alvarlegar árásir þar sem allt niður í tólf ára gömul börn áttu í hlut. Í kjölfar hrottafenginnar árásar í Hamraborg þar sem fjórtán ára drengur sætti barsmíðum af hendi hóps sér eldri unglingspilta óskaði ég eftir umræðu í bæjarráði um viðbrögð Kópavogsbæjar vegna málsins. Þar bar ég upp tillögu Pírata í Kópavogi þess efnis að sveitarfélagið hæfi átak gegn einelti og ofbeldi ungmenna. Bæjarráð samþykkti að Kópavogsbær myndi hefja samræður við önnur sveitarfélög á höfuðborgarsvæðinu um samstíga aðgerðir vegna ofbeldis meðal unglinga.

Nú liggur fyrir ný framkvæmdaráætlun bæjarins í barnaverndarmálum og meðal þess sem áætlað er, er að stofna ofbeldisteymi barnaverndar í Kópavogi. Þannig verður núverandi heimilisofbeldisteymi útvíkkað, starfsmönnum fjölgað og mun teyminu ætlað að sjá  um  öll barnaverndarmál er varða ofbeldi; tilfinningalegt/sálrænt ofbeldi, heimilisofbeldi, kynferðislegt ofbeldi og líkamlegt ofbeldi. Áhersla verður lögð á samstarf við aðrar stofnanir vegna málavinnslu í teyminu og þá sérstaklega við lögreglu, heilbrigðis- og skólakerfi. Tilkynningum um líkamlegt ofbeldi verður veitt sérstök athygli árið 2021 með það að markmiði að móta skýrt verklag varðandi tilkynningar um líkamlegt ofbeldi og bæta þjónustu og stuðning við börn sem hafa upplifað það.

Ég fagna þessum góðu viðbrögðum og mikilvægu aðgerðum í því að tryggja öryggi barna og ungmenna. Það er mikilvægt að bæjaryfirvöld sendi skýr skilaboð um að ofbeldi eigi aldrei að líðast.

Ef þú hefur áhyggjur af aðstæðum barns er mikilvægt að tilkynna það til barnaverndar svo veita megi viðkomandi barni og fjölskyldu stuðning. Starfsfólk barnaverndar leggur áherslu á samstarf við börn og foreldra við vinnslu mála. Nærgætni og virðingar er gætt í samskiptum við alla og fyllsta trúnaðar heitið. Hægt er að senda tilkynningu til barnaverndar með aðgengilegum hætti af vef bæjarins eða með því að hringja í þjónustuver Kópavogs í síma 441 0000

Greinin birtist í Kópavogsblaðinu þann 25. september 2020

Kommentakerfi Pírata

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

On­lyFans, klám og ó­skyn­sam­legar refsingar

Umræðan um klám er mikilvæg og henni er hvergi nærri lokið. Það eru margir vinklar á henni...

Píratar í 10 ár og meira

Píratahreyfingin er 16 ára gömul á heimsvísu en 10 ára gömul á Íslandi. Árið 2013 tóku Píratar...

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þegar kerfið segir nei

Þegar sambandsslit ganga vel eru þau samt erfið. Þegar þau ganga illa og annar aðilinn fæst jafnvel...

A Decade in Icelandic Politics

There is a saying that a week is a long time in politics, so the fact that...

Áratugur í Íslenskum stjórnmálum

Það er sagt að vika sé langur tími í pólitík, svo það hlýtur að teljast ágætt að...

Manneskjan í jakkafötunum

Áður en ég byrjaði í stjórnmálum sá ég þingmenn alltaf fyrir mér sem fólk í jakkafötum og...

Destroyed by Unjust Law

We tend to think of our own interests rather than others when our safety is threatened, but...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði á Laugalandi í...

Suðvesturkjördæmi tapar þingmanni

Okkur mun ekki skorta áskoranir á nýju ári. Farsóttir, náttúruhamfarir og sveitarstjórnarkosningar auk þess sem Alþingi hefur...

Meina þingmenn það sem þeir sögðu?

Ríki heims stefna á að vinna langtum meira jarðefnaeldsneyti en óhætt er, ætli þau að ná markmiðum...

Lýðræði er miklu meira en bara kosningar

Slagorð Pírata fyrir alþingiskosningarnar er „Lýðræði - ekkert kjaftæði“ og ekki að ástæðulausu.  Píratar voru stofnaðir til þess...

Skattarnir sem þú sérð ekki

Við Píratar erum stundum gagnrýnd fyrir það að tala mikið um aðgerðir gegn spillingu. Það sé óþarfi...

Ert þú með lægri laun en þing­maður?

Píratar telja að skattkerfið eigi að vera tvennt: Stigvaxandi (á ensku: progressive) og grænt. Það þýðir annars vegar að...