Píratar XP

Lýðveldis- og lýðræðishátíðin 17. júní

Bæjarfulltrúi Pírata í Kópavogi skrifar um þjóðhátíðardaginn

Kandífloss, blöðrur, hæ hó og jibbí jei. Það er svo sannarlega kominn sautjándi júní. Lýðveldið Ísland á 77 ára afmæli. Hvort sem við tengjum daginn við skrúðgöngur, skátana, hoppukastala eða tónleika á Rútstúni þá er þjóðhátíðardagurinn fyrst og síðast lýðræðishátíð.

Margar þjóðir velja sér þjóðhátíðardag út frá fræknum sigrum, uppreisnum eða sameiningu en við Íslendingar fögnum lýðræðinu. Lýðveldið spratt nefnilega ekki úr hellidembunni á Þingvöllum 17. júní 1944, heldur vilja þjóðarinnar. Í tveimur þjóðaratkvæðagreiðslum greiddi næstum hver einn og einasti kjósandi atkvæði með því að slíta sambandinu við Dani og taka upp nýja stjórnarskrá. Lýðveldið Ísland varð til í krafti lýðræðisins.

Við Píratar erum sannfærðir um að okkur Íslendingum farnist betur ef lýðræðið fær að ráða för. Við sem trúum á lýðræðið vitum líka að lýðræði er ekki bara kosningar á fjögurra ára fresti. Það er svo miklu meira – og hefur í raun áhrif á heildarsýn Pírata á stjórnmál.

Píratar leggja áherslu á gagnsæi svo að landsmenn geti séð hvernig farið er með peninga þeirra og völd. Þannig styrkjum við lýðræðið. Píratar leggja áherslu á fjölmiðlafrelsi til að miðla þessum upplýsingum til landsmanna. Þannig styrkjum við lýðræðið. Píratar telja að allir hafi rétt á aðkomu að ákvörðunum sem snerta þá beint og rétt til að vita hvernig ákvarðanirnar voru teknar. Þannig tryggjum við virkt og öflugt lýðræði. 

Lýðræðið er ekkert annað en að treysta fólki – en sumir flokkar hafa einfaldlega ekki kjark í það. Sumir flokkar þora ekki að fylgja niðurstöðum þjóðaratkvæðagreiðslunnar um nýja stjórnarskrá. Það eru ekki trúverðugir talsmenn lýðræðis.

Kannski sprettur kjarkleysið úr því að nýja stjórnarskráin eflir lýðræðið svo um munar. Þar er meðal annars kveðið á um rétt landsmanna til að kalla eftir þjóðaratkvæðagreiðslum um mikilvæg málefni, persónukjör og jafnt atkvæðavægi. Þetta er meðal ótal ástæðna fyrir því að Píratar vilja nýju stjórnarskrána. Ekki aðeins til að virða niðurstöðu þjóðaratkvæðagreiðslu heldur jafnframt til að efla lýðræðið, sem lýðveldið Ísland á svo margt að þakka.

Upprunaleg birtingKópavogsblaðið

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X