Píratar XP

Hertar aðgerðir á landamærunum

Í lok janúar voru samþykkt lög um að ríkisstjórnin gæti vísað ferðamönnum í sóttvarnahús ef ferðamaður gæti ekki fylgt lögum og reglum um sóttkví eða einangrun. Allir ættu að vita hvað gerðist í kjölfarið, stjórnvöld reyndu að skikka alla í sóttvarnahús en töpuðu því fyrir dómstólum. Hér skiptir mjög miklu máli að allar staðreyndir málsins séu á hreinu því nokkuð hefur verið um misvísandi upplýsingar hvað þetta varðar. Til að byrja með voru lögin samþykkt með þeim heimildum sem stjórnvöld báðu um. Stjórnvöld vildu geta sett fólk í sóttvarnarhús ef “í ljós kemur að hann hefur ekki fylgt þeim [reglunum], getur sóttvarnalæknir ákveðið að hann skuli settur í sóttkví eða einangrun á sjúkrahúsi eða í sóttvarnahúsi eða gripið til annarra viðeigandi aðgerða”. Það sjá allir sem vilja að þetta var svo ekki það sem stjórnvöld reyndu að gera þegar allt kom til alls og brutu þannig þær heimildir laga sem ríkisstjórnin sjálf bað um.

Aðfaranótt sumardagsins fyrsta voru samþykktar nýjar heimildir í lögum þar sem gefin var heimild til þess að skipa fólk í sóttkví í sóttvarnahúsi ef það kæmi frá svokölluðum hááættusvæðum. Það eru til málefnaleg rök fyrir hörðum aðgerðum á landamærunum og Píratar eru sammála því að það eigi að vera hægt að grípa til slíkra úrræða þegar aðstæður leyfa. Valið snýst um frjálsar ferðir innanlands á móti frjálsum ferðum milli landa. Augljóslega vegur frelsi til ferða innanlands meira og í því faraldursástandi sem nú ríkir þá er það ekki ómálefnalegt að bæta sóttvarnarhúsi við ferðatíma á milli landa. Það ætti meira að segja að vera jákvætt fyrir ferðamenn, sem geta þá notið ferðafrelsis innanlands líka.

Vandinn sem við stöndum frammi fyrir er hins vegar að núverandi ríkisstjórn hefur ekki farið vel með ótakmarkað vald og ítrekað farið fram úr sér í hinum ýmsu málum. Nýlegasta dæmið er augljóslega fyrri tilraun til þess að senda alla í sóttvarnahús. Við viljum alls ekki lenda í því aftur að dómstólar hafni tilraunum ríkisstjórnarinnar til þess að fara að lögum og virða mannréttindi. Við viljum ná árangri. Það gerist ekki ef ríkisstjórnin klúðrar málum aftur og aftur.

Ég skil vel, miðað við ástandið, að fólki finnist það ekki merkileg mannréttindi að geta ferðast á milli landa og þurft að þola nokkra daga á sóttvarnarhóteli. Ekki miðað við fórnarkostnaðinn. Þess vegna segjum við, það er hægt að takmarka þessi réttindi en það þarf að gera það á réttan hátt, vinsamlegast ekki klúðra því. Ég sé hins vegar hvernig stjórnvöld geta klúðrað þessu á marga vegu. Það verður hægt að klúðra þessu máli á undanþágunum sem eru í lögunum eða vegna þess að barnasáttmálinn er ekki virtur. Ég vona að stjórnvöld hlusti á varúðarorðin þó að ég sé ekki bjartsýnn, af gefinni reynslu.

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X