Píratar XP

Geðheilbrigði á rétt ról

ÁHERSLUR PÍRATA Í HAFNARFIRÐI

Í kjölfar íbúafjölgunar í Hafnarfirði, aukins ferðamannastraums og hækkandi verðlags ár frá ári, hafa margar fjölskyldur lent í sjálfheldu vinnu og skulda. Afleiðingin er minni frítími til að sinna hvert öðru svo vel fari. Niðurstaðan er einnig mikill hraði og spenna sem eru skaðleg fyrir sálarlífið og það á meðan þjónusta við geðheilbrigði þjóðarinnar hefur áratugum saman setið á hakanum. Ótal skýrslur hafa verið gefnar út á liðnum árum og hver áætlunin sett fram á eftir annarri – en minna er um að fjármagn fylgi stóru orðunum. 

Heilsugæsla höfuðborgarsvæðisins sinnir 1. og 2. stigs geðheilbrigðisþjónustu innan heilsugæslustöðva og í Geðheilsuteymi Suður sem þjónustar Hafnarfjörð, en 3. stigs þjónusta, sérhæfð geðmeðferð, er veitt á Geðsviði Landspítala háskólasjúkrahúss. En stigin þrjú starfa ekki í tómarúmi, heldur er samstarf við félagsþjónustu og aðra þjónustu í nærumhverfi íbúanna mikilvæg. 

Hafnarfjörður hefur alla burði til að skipa sér í forystu sveitarfélaga í að veita íbúum fyrsta flokks geðheilbrigðisþjónustu. Mikilvægt er að þeir sem sinna störfum sem falla undir Hafnarfjarðarbæ, og þjónusta íbúa Hafnarfjarðar með geðrænar áskoranir, hafi rétta þjálfun og aðgang að fjármagni til að leysa sín verkefni vel af hendi. Einnig er mikilvægt að búa til gott starfsumhverfi fyrir smáfyrirtæki í einkarekstri, á borð við Lífsgæðaseturi gamla St. Jósepsspítalans.  

Aukin meðvitund og þjálfun þeirra sem starfa með börnum og unglingum um áhrif áfalla í uppvexti á heilsu síðar á ævinni er nokkuð sem Píratar vilja stuðla að. Í rannsóknum hefur komið fram að bein tengsl eru milli þungbærrar reynslu í æsku, s.s. að búa við andlega eða líkamlega vanrækslu, að eiga foreldri með geðrænan vanda eða að verða fyrir einelti, og alvarlegs heilsufarsvanda á fullorðinsárum.  Gögnin eru til, tólin eru til – nú þurfum við að framkvæma og þjálfa okkar fólk í áfallamiðaðri nálgun.

Píratar vilja auka aðgengi íbúa í Hafnarfirði að geðheilbrigðisþjónustu og geðbætandi forvörnum í nærumhverfi. 

Haraldur R. Ingvason og Ragnheiður H. Eiríksdóttir Bjarman, frambjóðendur í 1. og 6. sæti Pírata í Hafnarfirði

Upprunaleg birtingFjarðarfréttir

1 ummæli

  1. Þetta er auðvitað eðal málefni, hvernig getum við ætlast til að umbætur verði í samfélaginu ef einföldum og ódýrum málum eins og geðheilsu íbúa er ekki sinnt almennilega? Góð geðheilsa er algert möst hjá ungu fólki og til að hún geti orðið er nauðsynlegt að sinna fjölskyldum, fækka vinnustundum í viku, stuðla að auknu einstaklingsfrelsi, gagnsæi og íbúaþátttöku. Bæta þarf kjör jaðarhópa, bæta við félagslegum íbúðum og jafnvel skoða hvort borgaralaun séu ekki góð lausn fyrir Hafnarfjörð.

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þetta vilja Píratar gera fyrir yngstu íbúa Kópavogs

Barn sem fæðist í dag á rétt á 12 mánaða fæðingarorlofi með forsjáraðilum sínum (gefum okkur að...

Kosningaframkvæmd 2022

Á laugardaginn er kjördagur og því utankjörfundi að ljúka. Því er ekki úr vegi að líta til...

Nóg komið

Ég veit ekki hvað mér þykir verst í þessu. Er það sjálf salan á Íslandsbanka, þar sem...

Hús­næðiskrísa!

Það er mikill skortur á húsnæði, það dylst engum. Það er ólíðandi ástand, ekki síst vegna þess...

Óheiðarleg stjórnmál

Oddviti Flokks fólksins í Reykjavík, Kolbrún Baldursdóttir, sat nýverið í oddvitaspjalli á Bylgjunni þar sem hlustendur gátu...

Þess vegna bjóðum við okkur fram

Við Píratar erum stundum sögð vera óvenjulegur stjórnmálaflokkur. Við stundum öðruvísi stjórnmál, til dæmis tökum við ekki...

Rasismi á Íslandi

Rasismi er vandamál á Íslandi eins og annars staðar í veröldinni. Íslenska lögreglan er þar ekki undanskilin....

Hversu löng eru fjögur ár?

Mig langar að stunda stjórnmál þar sem íbúar bæjarins fá að segja skoðun sína oftar en á...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má nefna Reykjavík, Hafnarfjörð,...
X
X
X