Borgin nú­tíma­vædd á þre­földum hraða

Í gær var fjárhagsáætlun fyrir 2021 kynnt í borgarstjórn sem og græna planið, viðspyrnuáætlun borgarinnar vegna Covid-19. Það er engum ofsögum sagt að fjárhagsáætlunin er mjög Pírataleg og ég er stolt af því að vera hluti af meirihluta sem hefur þrek og þor í að bregðast við krefjandi aðstæðum af festu.

Viðspyrnan vegna Covid tekur ekki bara á fjárhagslegum kröggum heldur einnig umhverfislegum og samfélagslegum. Við ætlum að fjárfesta í fólki, ekki bara malbiki og steypu.

Nútímavæðing þjónustu mun gerast á tveimur til þremur árum í stað tíu, það er gert með því að setja í það tíu milljarða í stað þriggja. Allri þjónustu og stjórnsýslu verður umturnað þannig að þarfir íbúans verði í forgrunni, ekki þarfir og þvermóðska kerfisins.

Við nýtum tæknina og hugvitið til að auðvelda líf venjulegs fólks og auka aðgengi að þjónustu. Minnka skriffinsku, minnka vesen, minnka tímaeyðslu, minnka sóun og minnka mengun.

Við ætlum að auðvelda innritun í leikskóla með betra yfirliti yfir laus pláss og einfalda framkvæmdir með nýrri skipulags- og byggingargátt.

Með Gagnsjá Reykjavíkur og nýrri styrkjagátt munum við stórauka gagnsæi í öllu stjórnkerfi borgarinnar. Með fjárfestingu í gagnainnviðum eykst aðgengi að gögnum sem mun styðja við gagnadrifna og upplýsta ákvarðantöku. Það er grunnur að virku aðhaldi fjölmiðla og íbúa sem jú er lykillinn að lýðræðinu.

Við ætlum einnig að efla lýðræðið með nýrri lýðræðisgátt svo þú getir með auðveldum hætti komið þínum athugasemdum og sjónarmiðum vel á framfæri.

Með tölvuátaki á öllum skólastigum fyrir rúmlega 700 milljónir á þremur árum munum við tryggja að öll njóti góðs af tækniframförum og tækifærunum sem þeim fylgja.

Auk þess að hlúa að velferð íbúa hlúum við að velferð dýranna sem er metnaðarmál hjá okkur Pírötum. Með stækkun selalaugarinnar í Fjölskyldu- og húsdýragarðinum munum við búa betur að selunum og þróa garðinn áfram sem friðsælt athvarf dýra. Lög leyfa ekki að selum í haldi sé sleppt. Þrír af fjórum selum eru ungir og eiga jafnvel áratugalíf fyrir höndum og við viljum gera það sem bærilegast. Svo mun laugin nýtast fyrir særð og illa haldin dýr, seli og sjófugla, við umönnum og endurhæfingu.

Ný dýraþjónusta Reykjavíkur, sem var ein af kosningaáherslum Pírata, verður sett á laggirnar sem sameinar alla þjónustu við gæludýr borgarinnar í Fjölskyldu- og húsdýragarðinum. Dýr og menn eiga nefnilega að geta lifað í sátt og samlyndi, í ennþá betri borg.

Höfundur er oddviti Pírata og formaður mannréttinda-, nýsköpunar- og lýðræðisráðs.

Upprunaleg birtingFréttablaðið

Kommentakerfi Pírata

Skrifa ummæli við þessa grein

Skrifaðu athugasemdina þína
Vinsamlegast sláðu inn nafnið þitt hér

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

On­lyFans, klám og ó­skyn­sam­legar refsingar

Umræðan um klám er mikilvæg og henni er hvergi nærri lokið. Það eru margir vinklar á henni...

Píratar í 10 ár og meira

Píratahreyfingin er 16 ára gömul á heimsvísu en 10 ára gömul á Íslandi. Árið 2013 tóku Píratar...

Borgarbúar skulu fá fyrsta flokks hjólastíga

Of oft þarf ég að grípa inn í tilvik þar sem mér finnst vanta upp á grænan...

Þegar kerfið segir nei

Þegar sambandsslit ganga vel eru þau samt erfið. Þegar þau ganga illa og annar aðilinn fæst jafnvel...

A Decade in Icelandic Politics

There is a saying that a week is a long time in politics, so the fact that...

Áratugur í Íslenskum stjórnmálum

Það er sagt að vika sé langur tími í pólitík, svo það hlýtur að teljast ágætt að...

Manneskjan í jakkafötunum

Áður en ég byrjaði í stjórnmálum sá ég þingmenn alltaf fyrir mér sem fólk í jakkafötum og...

Destroyed by Unjust Law

We tend to think of our own interests rather than others when our safety is threatened, but...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra. Það er eingöngu...

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði á Laugalandi í...

Suðvesturkjördæmi tapar þingmanni

Okkur mun ekki skorta áskoranir á nýju ári. Farsóttir, náttúruhamfarir og sveitarstjórnarkosningar auk þess sem Alþingi hefur...

Meina þingmenn það sem þeir sögðu?

Ríki heims stefna á að vinna langtum meira jarðefnaeldsneyti en óhætt er, ætli þau að ná markmiðum...

Lýðræði er miklu meira en bara kosningar

Slagorð Pírata fyrir alþingiskosningarnar er „Lýðræði - ekkert kjaftæði“ og ekki að ástæðulausu.  Píratar voru stofnaðir til þess...

Skattarnir sem þú sérð ekki

Við Píratar erum stundum gagnrýnd fyrir það að tala mikið um aðgerðir gegn spillingu. Það sé óþarfi...

Ert þú með lægri laun en þing­maður?

Píratar telja að skattkerfið eigi að vera tvennt: Stigvaxandi (á ensku: progressive) og grænt. Það þýðir annars vegar að...