Betri ákvarðanataka með auknu samráði

Píratar hafa allt frá stofnun verið óþreytandi við eflingu lýðræðis og þátttöku almennings í ákvarðanatöku. Skiptir þar engu hvort um sé að ræða kröfu Pírata á Alþingi um upptöku nýrrar stjórnarskrár, eflingu lýðræðislegrar ákvarðanatöku á sveitarstjórnarstigi eða innra skipulag hreyfingarinnar. Alltaf ættu þeir sem ákvörðunin hefur áhrif á hafa eitthvað um hana að segja.

Á haustmánuðum lögðu fulltrúar Pírata, BF Viðreisnar og Samfylkingar fram tillögu um að stofna stýrihóp kjörinna fulltrúa og starfsfólks sem hefði það hlutverk að móta meginreglur um íbúasamráð. Tillagan fellur mjög vel að stefnu bæjarstjórnar Kópavogs, en þar segir meðal annars:

Grunnreglur bæjarfélagsins eru skýrar og miða að því að allir hafi tækifæri til áhrifa. Kópavogur er samfélag sem byggir á lýðræðislegum ákvörðunum þar sem íbúarnir hafa áhrif á eigin mál. Við töku ákvarðana skal haft hugfast að valdið kemur fram frá íbúum bæjarins og þeir sem fara með það hverju sinni gera það aðeins í umboði íbúa.

Kópavogsbær hefur sannarlega stigið skref í átt að auknu lýðræði, til dæmis með verkefninu Okkar Kópavogur, auknu samráði við íbúa við skipulagningu nýrrar byggðar, að tillögu okkar Pírata, BF Viðreisnar og Samfylkingar, og nú nýlegast með verkefni um þátttöku grunnskólabarna í starfi bæjarins í tengslum við innleiðingu barnasáttmálans.

Á síðasta fundi bæjarráðs samþykkti bæjarráð tillögu okkar um að hefja vinnu við að betrumbæta íbúasamráð í Kópavogi. Allir bæjarfulltrúar munu koma að þeirri vinnu, ásamt verkefnastjóra íbúatengsla hjá bænum. 

Lýðræði er ekki sjálfsagt og höggið er að því ýmsum áttum. En með þessu stígum við mikilvægt skref í rétta átt hér í Kópavogi. Baráttunni er hvergi nærri lokið, en við skulum fagna áfangasigrum og halda svo ótrauð áfram að auknu lýðræði.

Sigurbjörg Erla Egilsdóttir

Bæjarfulltrúi Pírata í Kópavogi

Upprunaleg birtingKópavogspósturinn

Greinar eftir sama höfund

Dýr eru dýrmæt í borgarsamfélaginu

Við í Reykjavíkurborg höfum ákveðið að sameina alla þjónustu við dýr í...

Það ætti að vera frí í dag

Gleðilegan þriðja maí. Baráttudagur verkalýðsins var á laugardegi í ár og tóku...

Hin „galopnu landamæri“

Nýlega hefur verið til umfjöll­unar mál Momo Hayashi frá Jap­an, en hún...

Spilling er pólítísk ákvörðun

Píratar berj­ast gegn spill­ingu vegna þess að þannig sköpum við betra og...

On­lyFans, klám og ó­skyn­sam­legar refsingar

Umræðan um klám er mikilvæg og henni er hvergi nærri lokið. Það...

Verkefni næstu ára

Augljósa verkefni næstu ára er að glíma við afleiðingarnar af Kófinu. Nokkur...

Hvað gera þingmenn?

Ég rek augun og eyrun oft í alls konar hugmyndir um hvað...

Borgaralaun útskýrð

Árið 1928 spáði breski hagfræðingurinn John Maynard Keynes því að tækniþróunin yrði slík að...
X
X