Þingflokkur Pírata vill engar launahækkanir til þingmanna út kjörtímabilið
Þingflokkur Pírata telur óábyrgt að laun þingmanna og ráðherra hækki undir þeim sögulegu kringumstæðum sem skapast hafa vegna útbreiðslu COVID-19. Þingflokkur Pírata leggur því til að launahækkun þingmanna og ráðherra frá 1. janúar síðastliðnum falli niður. Þingflokkurinn telur sömuleiðis rétt að fyrirhugaðar lögbundnar launahækkanir þingmanna og ráðherra, komi ekki til fyrr en að næstu Alþingiskosningum afloknum. Mun þingflokkurinn leitast eftir samráði og samstarfi við alla flokka sem sæti eiga á Alþingi um útfærslu á tillögunum.
