Þingflokkur Pírata auglýsir eftir starfsmanni til að starfa með þingmönnum og öðru starfsfólki í krefjandi umhverfi þar sem engir tveir dagar eru eins. Við leitum að drífandi einstaklingi með brennandi áhuga á stjórnmálum og lögfræði sem getur hjálpað okkur að ná árangri í þingstörfunum.
Helstu verkefni:
- Þingmálagerð.
- Aðstoð við þingmenn í þingstörfum og nefndarstörfum, m.a. vinna við nefndarálit.
- Greiningarvinna og úrlausn lögfræðilegra álitaefna.
- Önnur tilfallandi verkefni í þágu þingflokksins.
Hæfniskröfur:
- Fullnaðarnám í lögfræði eða önnur sambærileg menntun.
- Þekking og áhugi á stjórnmálum og störfum Alþingis.
- Skipulagshæfileikar, einkum geta til að skipuleggja eigin vinnu og tryggja framvindu verkefna.
- Frumkvæði og sjálfstæði í störfum.
- Fagmennska í vinnubrögðum, stundvísi og sveigjanleiki við krefjandi vinnuaðstæður.
- Önnur reynsla eða hæfni sem nýtist á sviði stjórnmálanna er kostur.
- Mjög gott vald á íslensku og færni til að tjá sig í ræðu og riti skilyrði.
Um er að ræða starf á skrifstofu þingflokks Pírata þar sem reynir á öguð vinnubrögð, skipulagshæfileika, frumkvæði, ábyrgð og sjálfstæði. Okkur vantar öfluga liðsmanneskju sem er tilbúin að starfa þétt með þingflokknum á komandi kjörtímabili. Um fullt starf er að ræða, tímabundið fram að næstu Alþingiskosningum að loknu þriggja mánaða reynslutímabili. Laun og önnur kjör eru samkvæmt kjarasamningi Félags starfsmanna Alþingis. Vinnutími er breytilegur. Æskilegt er að umsækjandi geti hafið störf sem fyrst. Rökstuðningur fyrir því að umsækjandi uppfylli hæfniskröfur skal fylgja umsókn. Öllum umsóknum verður svarað. Konur og kvár eru sérstaklega hvött til að sækja um.
Umsóknarfrestur er til og með 10. desember.
Hægt er að sækja um starfið hjá Alfreð á eftirfarandi hlekk: https://alfred.is/starf/starfsmadur-thingflokks-pirata
Einnig má sækja um með tölvupósti á starfsmann þingflokks Pírata, baldurkarl@althingi.is. Umsóknum í tölvupósti skal fylgja greinargóð ferilskrá og ítarlegur rökstuðningur fyrir hæfni til starfsins.
