Kosningasigur haustsins er í fullum undirbúningi. Undanfarið hafa frambjóðendur og grasrót Pírata unnið hörðum höndum að undirbúning kosningastefnuskrár, sem verður sigurstranglegri með hverjum deginum. Á félagsfundi í gær, þann 8. júlí, var samþykkt að setja fimm nýjar stefnur í kosningakerfi Pírata, allt frá efnahagsaðgerðum og húsnæðismálum til loftslagsaðgerða og fjölmiðlastefnu. Lýðræðisveislan heldur síðan áfram því á félagsfundi næstkomandi þriðjudag, þann 13. júlí, er stefnt að því að hefja vefkosningu á nokkrum stefnum til viðbótar. Verði stefnurnar samþykktar munu þær bætast í hina fjölbreyttu stefnuflóru sem Píratar hafa til að byggja á við gerð kosningastefnuskrár.
Samhliða þessari vinnu hafa frambjóðendur Pírata í öllum kjördæmum ásamt stefnu- og málefnanefnd unnið saman að undirbúningi kosningastefnuskrár. Stefnt er að því að vinnu við hana ljúki í síðari hluta júlí og að hún fari í kosningu þann 24. júlí. Með samþykkt hennar mun kosningastefnuskrá flokksins fyrir alþingiskosningar 2021 liggja fyrir þann 31. Júlí.
Ef þú vilt hafa áhrif á kosningaáherslur Pírata fyrir haustið þá er tækifærið núna! Segðu skoðun þína á félagsfundunum eða á x.piratar.is og hjálpaðu okkur að leggja grunninn að kosningasigri Pírata.
