Valgerður Árnadóttir, Halldór Auðar Svansson, Unnar Þór Sæmundsson og Elín Ýr Arnar Hafdísardóttir voru rétt í þessu kjörin inn í framkvæmdaráð Pírata. Kosið var rafrænt í kosningakerfi Pírata, x.piratar.is.
Eva Pandora Baldursdóttir og Halldór Arason voru kjörin skoðunarmenn reikninga.
Sunna Rós Víðisdóttir, Elsa Kristjánsdóttir og Björn Þór Jóhannesson voru kjörnir aðalmenn í úrskurðarnefnd og Gunnar Ingiberg Guðmundsson og Einar Hrafn Árnason sem varamenn.
Fyrr í dag voru Steinar Guðlaugsson og Pétur Óli Þorvaldsson slembivaldir inn í framkvæmdaráð og aðalfundur Pírata kaus Reber Abdi Muhamed inn í framkvæmdaráð sem áheyrnarfulltrúa.
Alls sitja tíu manns í framkvæmdaráði, fjórir eru kjörnir inn í ráðið á aðalfundi hvert ár og sitja í tvö ár. Slembivalið er í tvö sæti í ráðinu.
