Uppfærðir útreikningar

Komið hefur í ljós að villa var í útreikningum sem lágu til grundvallar fjármögnunaráætlun á kosningastefnu Pírata. Villan fólst í því að samskattaðir einstaklingar voru í vissum tilvikum tvítaldir. Þetta leiddi af sér, eins og fjölmiðlar hafa greint frá, að kosningastefnan var ekki fullfjármögnuð.

Svona villur eru vissulega vandræðalegar, en þetta atvik sannar einfaldlega mikilvægi gagnsæis. Píratar gefa út áætlanir sínar til þess einmitt að hægt sé að rýna þær, koma auga á möguleg mistök og leiðrétta þau. Þetta þykir okkur betri pólitík en að lofa gulli og grænum skógum án þess að gera einu sinni tilraun til að útskýra hvar gullið og skógana er að finna.  

Skattalækkun undir þingmannalaunum

Til þess að standa við gefin loforð endurskoðuðum við forsendur áætlunarinnar og gerðum viðeigandi breytingar á áætluðum tekjum og gjöldum. Meðal annars er stefnt að færa almennan varasjóð í nauðsynlega og lögbundna fjárhæð. Þá er miðjuskattþrepið fært úr 37,95% í 39,5% og hæsta skattþrep í 53%. Vegna hækkunar persónuafsláttar um 20.000 kr. samhliða þessum breytingum munu þær koma til með að lækka skattbyrðar á alla einstaklinga sem eru undir 1.225 þ.kr. á mánuði, eða sem samsvarar launum þingmanna. Aðgerðir Pírata fela þannig í sér lækkun á skattbyrði fyrir rúmlega 90% launafólks, og er lækkunin meiri eftir því sem launin eru lægri.

Uppfærð áætlun um fjármögnun kosningastefnu er nú að finna hér þar sem sjá má allar helstu forsendur og áætlun.

Píratar fagna gagnrýnni umfjöllun um áætlanagerð stjórnmálaflokka. Umfjöllun fjölmiðla hefur nú gefið okkur færi á að uppfæra áætlanir okkar og getum við þannig gefið kjósendum betri mynd af því hvernig framkvæmd þeirra kemur út.

Destroyed by Unjust Law

We tend to think of our own interests rather than others when our safety...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra....

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði...

A Decade in Icelandic Politics

There is a saying that a week is a long time in politics, so...

6 ára Pírati… á aðalfundi Pírata.

Ég átti satt best að segja ekki von á því að vera vasast í...