Ungir Píratar fagna samstöðu um lækkun kosningaaldurs

Tilkynning frá Ungum Pírötum:

Stjórn Ungra Pírata fagnar breiðri samstöðu allra flokka í annarri umræðu á Alþingi um lækkun kosningaaldurs. Verði frumvarpið að lögum lækkar kosningaaldur í sveitarstjórnarkosningum úr 18 árum í 16. Þetta er mikilvægt skref í þágu lýðræðis og aukinnar þáttöku ungs fólks. Breytingin er stór og við Ungir Píratar hlökkum til að bjóða stóran og glæsilegan hóp ungs fólks á kjörskrá um leið og Alþingi lýkur verkinu. Þátttökulýðræðið er okkar allra og atkvæðagreiðsla þingsins í dag er stórt skref til valdeflingar ungs fólks og aukins lýðræðis í íslensku samfélagi.

Við óskum Andrési Inga Jónssyni, þingmanni VG og fyrsta flutningsmanns breytinganna, sérstaklega til hamingju með frumvarpið og fyrir þetta stóra skref. Þú hefur gert Ísland aðeins Píratalegra!

Í greinargerð frumvarpsins segir: „Verði frumvarpið að lögum munu aldursmörk kosningarréttar í sveitarstjórnarkosningunum 2018 verða við 16 ára aldur í stað 18 ára eins og nú er. Munu þá nærri því 9.000 manns fá tækifæri til að hafa á kjördegi áhrif á mikilvægar ákvarðanir sem varða líf þeirra og umhverfi sem ekki njóta þessara grundvallarréttinda lýðræðisins að óbreyttum lögum.“

Ungir Píratar hvetja þingmenn til dáða og vænta þess að við og aðrar stjórnmálahreyfingar taki vel á móti nýjum kjósendum eftir að frumvarpið verður samþykkt.

Mynd: Nýkjörin stjórn Ungra Pírata. Frá efstu röð til vinstri Hjalti Björn Hrafnkelsson samfélagsmiðlari, Ólafur Hrafn Halldórsson alþjóðarfulltrúi, Huginn Þór Jóhannsson ritari, Vignir Árnason formaður, Sophia Kistenmacher meðstjórnandi, Valborg Sturludóttir varaformaður, Sigmundur Þórir Jónsson gjaldkeri.

Destroyed by Unjust Law

We tend to think of our own interests rather than others when our safety...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra....

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði...

A Decade in Icelandic Politics

There is a saying that a week is a long time in politics, so...

6 ára Pírati… á aðalfundi Pírata.

Ég átti satt best að segja ekki von á því að vera vasast í...