Píratar ryðja burt að­gangs­hindrunum í stjórnsýslu Kópavogs

Tillaga Pírata samþykkt!

Bæjarstjórn Kópavogs samþykkti á fundi sínum á þriðjudag tillögu Pírata, Samfylkingar og BF Viðreisnar um að birta fylgigögn með fundargerðum bæjarstjórnar, bæjarráðs og fastanefnda á vef bæjarins. Þetta er langþráð breyting en fulltrúar Pírata í borgarstjórn Reykjavíkur tóku þátt í að koma þessu verklagi á árið 2016. Með þessu eru stigin mikilvæg skref í átt að auknu gagnsæi og lýðræði.

Lengi vel hefur tíðkast í íslenskri stjórnsýslu að hafa aðgangshindranir að opinberum gögnum, en slíkt tryggir að aðeins þeir sem þekkja hindrunarbrautina geti aflað sér gagna. Fjölmörg dæmi er enn um slíkt, svo sem aðgangur að ársreikningaskrá og Lögbirtingablaðinu, svo fátt eitt sé nefnt. Píratar hafa ávallt staðið gegn slíku framferði, enda er jafnt aðgengi að upplýsingum jafn mikilvægt í lýðræðissamfélagi og tjáningarfrelsi.

Bæjarfulltrúi Pírata í Kópavogi

Sigur­björg Erla Egils­dóttir, bæjar­full­trúi Pírata í Kópa­vogi, segir að um lang­þráða breytingu sé að ræða.

„Með þessu eru stigin mikil­væg skref í átt að auknu gagn­sæi. Al­menningi gefst nú kostur á að kynna sér for­sendur mála sem eru til um­fjöllunar og af­greiðslu í bæjar­stjórn og fasta­nefndum án þess að þurfa að óska sér­stak­lega eftir þeim. Þetta ein­faldar þannig um leið vinnu fjöl­miðla sem vilja nálgast gögn og starfs­fólks í þjónustu­veri sem áður sá um að út­vega þau sam­kvæmt beiðnum hverju sinni” Sigurbjörg Erla.

Frétt um þennan merka áfanga má lesa á vefsíðu Fréttablaðsins: https://www.frettabladid.is/frettir/aukid-gagnsaei-i-stjornsyslu-kopavogs/

Frekari upplýsingar

Sigurbjörg Erla Egilsdóttir fulltrúi Pírata í Kópavogi: www.kopavogur.is

Sigurbjörg Erla Egilsdóttir á Facebook: @SigurbjorgErla