Óskum eftir sjálfboðaliðum fyrir aðalfund - Píratar

Óskum eftir sjálfboðaliðum fyrir aðalfund

Kæru Píratar,

Nú styttist óðar í aðalfundinn. Grasrótarstarf Pírata unnið í sjálfboðaliðastarfi og þurfa Píratar nú á ómetanlegum kröftum sjálfboðaliða sinna að halda fyrir aðalfund flokksins. Fundurinn verður haldinn 26. og 27. ágúst í félagsheimili Vals við Hlíðarenda í Reykjavík.
Sjálfboðaliðar eru beðnir að hafa samband með því að senda póst á netfangið framkvaemdastjori(hjá)piratar.is

Á laugardeginum 26. ágúst opnar húsið klukkan 9 og hefst þá óformleg dagskrá en formlegur fundur er settur klukkan 11. Á sunnnudeginum 27. ágúst opnar húsið klukkan 10 með óformlegri dagskrá og formlegur fundur heldur áfram klukkan 11. Áætluð dagskrárlok eru klukkan 17.30 báða dagana. Nánari dagskrá verður auglýst síðar.

Til þess að aðalfundur gangi sem best fyrir sig þá þurfum við á nokkrum framtakssömum einstaklingum að halda. Reynt verður að koma til móts við óskir sjálfboðaliða um viðveru og teymin sem þeir vilja vera í. Þann fyrirvara verður þó að hafa á að tímasetningar og hlutverk gætu breyst.

Teymin sem þarf að manna eru eftirfarandi:

PR/samskipti:
Óskað er eftir aðstoð við myndatöku, samskipti við streymisteymið – meðal annars við textun af fundi, umsjón og uppfærslu á samfélagsmiðlun á meðan fundi stendur og vera tengiliður við fjölmiðla á meðan á fundi stendur.

Veitingar:
Vera í samstarfi við kokkinn og hjálpa til í kaffihléi, við undirbúning hádegisverðar og frágang eftir matinn.

Ritarar:
Ritarateymið ber ábyrgð á að allur fundurinn verði ritaður og aðgengilegur Pírötum sem ekki komast á aðalfund.

Skráningar- og móttökuteymi:
Hlutverk teymis er að aðstoða við skráningu á fundinn, taka á móti þátttakendum á sjálfum fundinum, skrá fundargesti inn og út,  og afhenda þeim fundargögn.

Söluteymi:
Selur varning meðan á fundinum stendur.

Aðstoðarfólk í sal:
Fylgist með gestum í sal þegar fundargestum er gefið orðið og færir þeim hljóðnema, fylgist með að fundargestir séu allir með viðeigandi gögn og er fundarstjóra innan handar. Aðstoðar einnnig skipuleggjendur við uppsetningu í sal fyrir fundinn, raða stólum og borðum.

Tækniteymi:
Tækniteymi er tæknistjóra innan handan varðandi streymi og upptöku á fundi. Einnig við að setja upp búnað og taka hann niður.

Kosningateymi:
Kosningateymi er til staðar fyrir þá sem þurfa aðstoð við að greiða atkvæði á x.piratar.is vegna kosninga í framkvæmdaráð, trúnaðarráð og úrskurðarnefnd og verður kosningastjóra og keyrslumann atkvæða til aðstoðar. Þeir sem bjóða sig fram í ráð og nefndir geta ekki boðið krafta sína fram í þessu teymi.

Frágangsteymi:
Óskað er eftir aðilum til að aðstoða við ýmsan frágang að aðalfundi loknum. Það á við eftir fund á laugardeginum og frágang á sunnudeginum.

Framkvæmdastjórar Pírata halda utan um samræmingu á störfum sjálfboðaliða bæði fyrir aðalfund og á meðan á honum stendur.

Undirbúningsfundur sjálfboðaliða
Þriðjudaginn 22. ágúst kl. 18.30 verður fundur í Tortuga, Síðumúla 23, Reykjavík. Þar munu sjálfboðaliðar sem ætla að vinna á aðalfundinum hittast, fara yfir stöðu mála og undirbúa sig. Farið verður betur yfir verkefnaröðun og hlutverk hvers og eins. Fjarfundabúnaður verður í boði fyrir þá sem komast ekki, til dæmis vegna búsetu, en við hvetjum eindregið alla sem eiga heimangengt að mæta og hittast. Sjálfboðaliðar – takið tímann frá!

Við erum afar þakklát hverjum þeim sem getur boðið fram krafta sína.

Áhugasamir sjálfboðaliðar sem og þeir sem hafa frekari spurningar um þetta fyrirkomulag eru hvattir til að hafa samband við aðalfundarteymið með því að senda póst til framkvaemdastjori(hjá)piratar.is

Einnig er hægt að hringja í Kristján Gunnarsson (s. 783-9900), Erlu  Hlynsdóttur (s. 772-3440) og Oktavíu Hrund Jónsdóttur (s.785-9960).

YARR!