Píratar standa fyrir opnum fundi um neytendamál í aðdraganda landsþings Neytendasamtakanna (NS). Fjöldi fólks hefur gefið kost á sér til stjórnarsetu í samtökunum (39 manns) og sem næsti formaður (6 manns). Öllu þessu fólki er boðið á fundinn og er markmiðið að fræðast um áherslumál frambjóðenda í neytendamálum.
Fundarstaður: Félagshúsnæði Pírata, Síðumúla 23 (gengið inn Selmúlamegin) í Reykjavík.
Fundartími: Klukkan 20:00-22:00
Ávarp: Stefán Hrafn Jónsson, prófessor í félagsfræði og varaformaður NS.
Pallborð: Frambjóðendur til formanns NS
Fundarstjórn: Helgi Hrafn Gunnarsson
Landsþing Neytendasamtakanna verður 27. október n.k. og þar verður kosin ný forysta sem þarf að leiða endurreisn samtakanna í framhaldinu.
Á fundinum hjá Pírötum gefst tækifæri til að ræða hin mikilvægu neytendamál og kynnast þeim sem bjóða sig fram til að leiða Neytendasamtökin næstu ár.
Sjá umjöllun um frambjóðendur á vef Neytendasamtakanna https://www.ns.is/is/content/margir-i-frambodi
