Aðalfundur Píratar á Vesturlandi var haldinn laugardaginn 21. maí á Grundarfirði. Mæting var góð og ný stjórn kosin ásamt nýjum formanni.
Fundurinn var haldinn á Grundarfirði, til heiðurs nýjasta aðildarfélagi flokksins, Pírötum í Grundarfjarðarbæ.
Mikil spenna ríkti við kjör á nýrri stjórn flokksins og formanni, enda ekki á hverjum degi sem félagsmenn kjósa sér nýja stjórn. Formaður var kjörinn í forgangskosningu en með þeirri aðferð er tryggt að sá sem nýtur mests stuðning meðal félagmanna vinnur oddvitasætið. Stjórn var einnig kosin með sama hætti, en án þess þó að ákveðin röð væri reiknuð.
Á fyrsta fundi nýrrar stjórnar, svokölluðum verkefnaskiptingarfundi, deildu stjórnarmenn með sér lögbundnum hlutverkum félagsins. Eftirfarandi er niðurstaða þess fundar:
Eiríkur Þór Theódórsson, kjörinn formaður
Hafsteinn Sverrisson, varaformaður
Hinrik Konráðsson, gjaldkeri
Ágúst Smári Beaumont, ritari
Gunnar Jökull Karlsson, samráðsfulltrúi
Píratar kalla formann sinn iðulega kaptein og er Eiríkur Þór Theódórsson kapteinn Pírata á Vesturlandi. Eiríkur gegnir nú starfi kapteins í annað skiptið í röð með yfirgnæfandi stuðningi félagsmanna.
Nýmæli í lögum félagsins heimila varastjórn Pírata á Vesturlandi, ásamt formönnum aðildarfélaga (sem í dag eru á Grundarfirði, Akranesi og Borgarbyggð) að kjósa um mál á stjórnarfundum félagsins, en vert er að nefna að allir fundir félagsins eru opnir almenningi, allt frá hefðbundnum félagsfundum til stjórnarfunda.
***************************
Píratar á Vesturlandi er pólitískt afl sem berst m.a. fyrir kerfisbreytingum, beinu lýðræði og nýrri stjórnarskrá. Samtökin eru aðilar að Pírötum á Íslandi sem eiga í dag 3 þingmenn og 1 borgarfulltrúa.
Nánari upplýsingar má nálgast hjá ritara flokksins, Ágústi S. Beaumont, gusti@piratar.is og í síma 774-4149.
