Píratar í Reykjavík kynna framboðslista sinn

Píratar í Reykjavík kynna framboðslista sinn til borgarstjórnarkosninganna 2022

Píratar í Reykjavík kynntu í dag glæsilegan framboðslista sinn til borgarstjórnarkosninganna sem fram fara laugardaginn 14.maí 2022.

Í prófkjöri röðuðust 20 manns á listann en yfir 100 manns voru tilnefnd til að taka sæti 21-46 og úr stórum hópi hæfra einstaklinga var að velja. Á listanum er að finna fjölbreytta flóru öflugra einstaklinga úr mismunandi hverfum borgarinnar. 

Oddviti listans er Dóra Björt Guðjónsdóttir, borgarfulltrúi Pírata.

Uppgjörsskýrsla Pírata í Reykjavík fyrir kjörtímabilið birt og kynnt

Dóra Björt Guðjónsdóttir, oddviti listans, og Alexandra Briem, forseti borgarstjórnar, kynntu á sama fundi uppgjörsskýrslu Pírata í borgarstjórn fyrir kjörtímabilið sem er að líða og ræddu mikilvægi Pírata í Reykjavík. Skil á skýrslu fyrir kjörtímabilið með stöðu mála meirihlutasáttmála er hluti af stefnu Pírata um gagnsæi og ábyrgð en farið var yfir mikilvægi þess að hafa Pírata við völd og hverju hefur verið áorkað á kjörtímabilinu.

Píratar hafa á kjörtímabilinu farið fyrir mannréttinda-, nýsköpunar- og lýðræðisráði og lengst af skipulags- og samgönguráði á kjörtímabilinu og stuðlað að róttækum breytingum meðal annars í þágu lýðræðis, gagnsæis, skaðaminnkunar, nútímavæðingu þjónustu, loftslagsmála og auknu valfrelsi um ferðamáta.

Hafa Píratar einnig brugðist við af festu þegar erfið mál koma upp frekar en að sópa þeim undir teppið með umbyltingu stjórnkerfisins í kjölfar Braggamálsins, nýjum ráðningarreglum fyrir æðstu stjórnerndur í kjölfar umdeildrar ráðningar við upphaf kjörtímabils og umfangsmiklum verkferli til að bregðast við myglu- og rakamálum sem og tímamótaátaki í viðhaldi skólahúsnæðis með 25-30 milljörðum á næstu árum.

„Það skiptir máli að hafa Pírata við völd vegna þess að við látum verkin tala, stöndum við stóru orðin og erum trú okkar kjósendum og almannahag,“ segir Dóra Björt, oddviti Pírata í Reykjavík. „Reykvíkingar geta treyst á Pírata því við nýtum völdin til góðs til að skapa fjölbreytta, græna og lifandi borg réttlætis og metnaðar þar sem við gefum engan afslátt þegar kemur að loftslagsmálum, faglegum vinnubrögðum og aðhaldi gegn spillingu. Við erum ekki meðvirk með kerfinu og ef við sjáum þar göt stoppum við í þau.“

Hér má lesa skýrsluna í heild sinni

Frægur aktivisti fyrir tjáningafrelsi skipar heiðurssæti á lista Pírata

Heiðurssæti listans skipar palestínsk-íslenski rithöfundurinn, þýðandinn, blaðamaðurinn og ljóðskáldið Mazen Maarouf. Hann kom til Íslands árið 2011 í boði Reykjavíkurborgar sem hluta af verkefni ICORN, samtaka sem veita rithöfundum og listafólki skjól frá ofsóknum og berjast fyrir tjáningarfrelsi og að verja lýðræðisleg gildi.

Mazen hefur þýtt verk yfir 35 íslenskra ljóðskálda á arabísku, auk bóka eftir Sjón, Andra Snæ, Aðalstein Ásberg og Ingibjörgu Sigurðardóttur.

Hann hefur hlotið verðlaun fyrir ljóð sín og smásögur, hann hlaut hin virtu Literature Lana verðlaun á Ítalíu og Al-Multaqa verðlaunin fyrir smásagnasafnið „Brandarar handa byssumönnum“. Einnig hefur Mazen verið tilnefndur til hinna virtu Booker bókmenntaverðlauna.

Mazen fæddist árið 1978 í Beirut en fjölskylda hans er frá Palestínu. Hann útskrifaðist úr háskólanum í Líbanon með meistaragráðu í efnafræði og starfaði við kennslu þangað til hann breytti um stefnu og sneri sér að skrifum og blaðamennsku árið 2001. Mazen starfar í háskóla Íslands þar sem hann kennir arabísku, sögu miðausturlanda og miðausturlenskar bókmenntir.

Hitt heiðurssæti listans, 45. sæti, skipar Helgi Hrafn Gunnarsson, fyrrverandi þingmaður Pírata, sem á sínum tíma barðist hart fyrir því að Mazen fengi ríkisborgararétt.

Píratar í Reykjavík borgarstjórn
Alexandra Briem og Dóra Björt Guðjónsdóttir kynna framboðslista Pírata.

Listinn í heild sinni:

1          Dóra Björt Guðjónsdóttir Borgarfulltrúi

2          Alexandra Briem Borgarfulltrúi

3          Magnús Davíð Norðdahl Sjálfstætt starfandi lögmaður

4          Kristinn Jón Ólafsson Nýsköpunarsérfræðingur

5          Elísabet Guðrúnar Jónsdóttir Tölvunarfræðingur

6          Rannveig Ernudóttir 1. varaborgarfulltrúi Pírata í Reykjavík

7          Oktavía Hrund Jónsdóttir Ráðgjafi heildræns net- og upplýsingaöryggis

8          Olga Margrét Kristínardóttir Cilia Lögman

9          Tinna Helgadóttir Nemi í endurskoðun

10        Kjartan Jónsson Kennari, þýðandi og framkvæmdastjóri

11        Atli Stefán Yngvason Ráðsali

12        Vignir Árnason Bókavörður og rithöfundur

13        Huginn Þór Jóhannsson Fyrirlesari

14        Sævar Ólafsson Íþróttafræðingur og nemi

15        Elsa Nore Leikskólakennari

16        Alexandra Ýrr Ford Öryrki/Listakona

17        Unnar Þór Sæmundsson Námsmaður / í eigin rekstri

18        Kristján Richard Thors Frumkvöðull

19        Haraldur Tristan Gunnarsson AV Developer

20        Stefán Örvar Sigmundsson Svæðisstjóri Suðurlands hjá Hreint ehf.

21        Kamilla Einarsdóttir Rithöfundur og bókavörður

22        Kristín Vala Ragnarsdóttir Prófessor

23        Edda Björk Bogadóttir Eldri borgari

24        Hrefna Árnadóttir Nemi og forseti ungra Pírata

25        Hekla Elísabet Aðalsteinsdóttir Starfsmaður þingflokks Pírata

26        Tómas Oddur Eiríksson Jóga- og danskennari

27        Sigrún Huld Þorgrímsdóttir Sérfræðingur í öldrunarhjúkrun

28        Tinna Haraldsdóttir Feministi

29        Leifur Aðalgeir Benediktsson Sölufulltrúi og skiltakall

30        Francisca Verónica Apablaza Soto Kennari

31        Guðjón Sigurbjartsson Viðskiptafræðingur

32        Helga Þórey Önnudóttir Jónsdóttir Doktorsnemi í menningarfræði og markaðsstjóri Veganbúðarinnar

33        Björn Kristján Bragason Heilbrigðisfulltrúi

34        Rakel Glytta Brandt Keramíker og MS í umhverfis-félagssálfræði

35        Ingimar Þór Friðriksson Tölvunarfræðingur

36        Aníta Ósk Arnardóttir Stuðningsfulltrúi í skammtímavistun

37        Snorri Sturluson Leikstjóri

38        Elsa Kristín Sigurðardóttir Sérfræðingur í velferðarþjónustu

39        Hörður Brynjar Halldórsson Háskólanemi og starfsmaður í félagsmiðstöð

40        Valgerður Árnadóttir Formaður samtaka grænkera

41        Þórir Karl Bragason Celin Grafískur hönnuður

42        Halldór Auðar Svansson Tölvunarfræðingur

43        Helga Waage Tækniþróunarstjóri

44        Íris Úlfrún Tónlistarkona, göldrótt

45        Helgi Hrafn Gunnarsson Tölvulúði

46        Mazen Maarouf Rithöfundur og háskólakennari

Destroyed by Unjust Law

We tend to think of our own interests rather than others when our safety...

Og ólögum eyða

Þegar öryggi okkar er ógnað hugsum við gjarnan um eigin hag en ekki annarra....

Börn í kerfinu þola enga bið

Samfélagið hefur nú heyrt hræðilegar og átakanlegar sögur af reynslu kvenna sem hlutu úrræði...

A Decade in Icelandic Politics

There is a saying that a week is a long time in politics, so...

6 ára Pírati… á aðalfundi Pírata.

Ég átti satt best að segja ekki von á því að vera vasast í...