Ekki láta þig vanta á viðburðinn og nýttu þinn rétt til að kjósa!
Næstkomandi föstudag verður kosið í framkvæmdaráð Pírata. Við bjóðum áhugasömum að koma í Tortuga á föstudaginn á milli kl. 21:00 og 00:00 og hlýða á kynningar frambjóðenda, taka þátt í spjalli og þiggja veitingar eftir kynningarnar.
Frambjóðendur í ár eru alls ellefu talsins, en það eru þau: Hafdís Helga, Guðmundur Arnar, Árni Steingrímur Sigurðsson, Ágúst Beaumont, Sigurður Ágúst Hreggviðsson, Rúnar Björn Herrera Þorkelsson, Lárus Vilhjálmsson, Kári Gunnarsson, Júlíus Blómkvist Friðriksson, Jónas Lövdal og Jóhannes Þór Guðbjartsson.
Opnað verður fyrir kosningu í kosningakerfi Pírata föstudaginn 22. febrúar klukkan 15:30 og verður opið fyrir kosningu í sólarhring, til klukkan 15:30 þann 23. febrúar. Úrslit verða kynnt á aðalfundinum um leið og þau eru ljós.
Fyrir þá sem komast ekki bjóðum við upp á beina útsendingu frá Tortuga af kynningu frambjóðenda og einnig tilkynningu úrslita.
