Aðalfundur evrópskra Pírata var haldinn um helgina. Á fundinum var kosið um nýjar stefnur félagsins og breytingar á lögum ásamt því að samþykktar voru yfirlýsingar fyrir hönd meira en 20 Píratahreyfinga í Evrópu. Einnig var kosið í nýja stjórn félagsins, en í fráfarandi stjórn voru 3 af 9 meðlimum úr félagi íslenskra Pírata. Aldrei hafa verið fleiri stjórnarmeðlimir fyrir hönd íslenskra Pírata í stjórninni.
Katla Hólm Þórhildardóttir hlaut í dag endurkjör í stjórnina og tekur nú sæti sem varaformaður. Píratar óska Kötlu til hamingju með endurkjörið og alls hins besta í komandi störfum sínum fyrir hönd evrópskra Pírata.
Stjórn PPEU:
- Mikuláš Peksa (PP-CZ)
- Florie Marie (PP-FR)
- Katla Hólm Þórhildardóttir (PP-IS)
- Sebastian Krone (PP-DE)
Stjórnarmeðlimir:
- Alessandro Ciofini (PP-IT)
- Lukáš Doležal (PP-CZ)
- Jan Mareš (PP-CZ)
- Oliver Herzig – (PP-CAT)
- Mia Utz – (PP-DE)
