Söguleg þáttaka íslenskra Pírata í stjórn evrópskra Pírata

Íslenskir Píratar í Evrópu

Þrír íslenskir Píratar kosnir í stjórn Pírata í Evrópu (PPEU).

Oktavía Hrund Jónsdóttir, varaþingkona Pírata á Íslandi, hefur verið kosin vara-formaður Pírata í Evrópu (PPEU). Auk Oktavíu voru þær Katla Hólm Þórhildardóttir, varaþingkona Pírata á Íslandi og Gamithra Marga, alþjóðafulltrúi Pírata á Íslandi, kosnar í stjórn Pírata í Evrópu. Íslenskir Píratar eiga nú samtals þrjú sæti í stjórn Pírata í Evrópu og hafa íslenskir Píratar aldrei verið fleiri í stjórninni. Mikuláš Peksa, núverandi þingmaður Pírata á Evrópuþinginu, var kosinn formaður Pírata í Evrópu. Markétka Gregorová, Evrópuþingmaður tékkneskra Pírata tekur sæti vara-formanns ásamt Oktavíu Hrund Jónsdóttur. Ítalskir Píratar komust í fyrsta sinn í stjórn ráðsins með kjöri Alessandro Ciofini sem gjaldkera.

 

Fimmti ársfundur Pírata í Evrópu fór fram á Ítalíu.

Ársfundur Pírata í Evrópu átti sér stað í Mílanó, Ítalíu dagana 2-3 nóvember. Píratar í Evrópu hafa notið mikillar velgengni á árinu. Tékkneskir Píratar fengu þrjá þingmenn kjörna á Evrópuþingið auk þess sem að þýskir Píratar héldu sínum þingmanni. Þá hafa evrópskir Píratar notið velgengni í sveitarstjórnum víða um Evrópu.

 

Oktavía Hrund Jónsdóttir er með M.A. gráðu í alþjóðlegri þróunarfræði, menntuð við Roskilde Universitet og Copenhagen Business School. Hún hefur starfað við öryggisráðgjöf og samskiptatækni en er ötul baráttumanneskja fyrir stafrænum réttindum og fjölmiðlafrelsi. Hún situr í stjórn Freedom of the Press Foundation og Initiative for Sustainable Action (ISA). Oktavía er varaþingmaður Pírata í Suðvesturkjördæmi.

 

Katla Hólm Þórhildardóttir hefur lokið B.A. gráðu í heimspeki og kynjafræði, diplomu í siðfræði og gagnrýni hugsun og M.A. gráðu í hagnýtri siðfræði með sérsvið í umhyggjulýðræði. Katla er búsett á Írlandi sem stendur og starfar sem sjálfstæður ráðgjafi á sviði fjölbreytni og aðgengi í lýðræði.

 

Gamithra Marga hefur verið búsett á Íslandi síðustu árin en flutti nýverið heim til Eistlands. Gamithra situr í framkvæmdastjórn Pírata á Íslandi ásamt því að vera alþjóðafulltrúi flokksins. Hún er stofnmeðlimur Adact.

 

Píratar í Evrópu (European Pirate Party – PPEU) samanstanda af Píratahreyfingum í yfir 20 löndum, þar á meðal Svíþjóð, Tékklandi, Þýskalandi, Ítalíu og Póllandi,  auk Félags ungra Pírata í Evrópu,

Á efstu ljósmyndinni frá vinstri til hægri eru þær Katla Hólm, Gamithra og Oktavía.