Píratar fordæma brottvísanir hælisleitenda til Grikklands þann 2. nóvember
Við fordæmum ómannúðlega meðferð við handtökur þar sem fólk var flutt úr landi án þess að fá tækifæri til að taka saman eigur sínar og var þannig sent nær allslaust til Grikklands, mögulega án lyfja, stoðtækja og annarra nauðsynja.
Að vísa fólki úr landi með þessum hætti er óásættanlegt. Að gera það þegar þau bíða enn niðurstöðu í málum sínum er óskiljanlegt og sýnir mikið virðingarleysi fyrir réttindum þeirra.
Að hindra fjölmiðla í því að fjalla um þessa atburði sýnir mikið hugleysi og það að þessar aðgerðir þoli ekki að koma fyrir augu almennings sýnir að þær eru ekki réttlætanlegar.
Það að málaflokkurinn sé í höndum Sjálfstæðisflokksins firrir aðra ráðherra og flokka í ríkisstjórn engri ábyrgð, sem með aðgerðarleysi sínu taka sömu afstöðu og dómsmálaráðherra.
