Styðjum uppljóstrara! Skrifum Chelsea Manning.
Á sunnudag, 24. mars 2019, kl 13-15 verður sérstakur viðburður á vegum Femínstafélags Pírata til stuðnings uppljóstraranum Chelsea Manning, en fyrr í þessum mánuði var hún úrskurðuð í gæsluvarðahald fyrir að neita að bera vitni í tengslum við rannsókn FBI á Wikileaks.
Byrjað verður á kynningu þar sem farið er yfir það óréttlæti sem hún hefur verið beitt, og er sú kynning við hæfi allrar fjölskyldunnar. Hugmyndin er að við eigum síðan saman stund þar sem börn og fullorðnir skrifa bréf til Chelsea, teikna myndir handa henni og föndra. Bréfin og myndirnar verða síðan sendar í fangelsið til hennar þannig að hún finni fyrir stuðningi okkar.
