Grasrót Pírata hefur boðað borgarstjórnarflokk Pírata á félagsfund vegna framúrkeyslu í Braggamálinu. Fundurinn verður haldinn í félagshúsnæði Pírata, Síðumúla 23 (gengið inn Selmúlamegin) í Reykjavík þann 13. október klukkan 13:00 til 15:00.
Lög Pírata heimila grasrót flokksins að fara fram á fund með kjörnum fulltrúum. Borgarstjórnarfulltrúar flokksins verða á fundinum að ósk grasrótar. Dagskrárefni fundarins er framúrkeyrsla hjá Reykjavíkurborg við endurbætur á gömlum bragga, náðhúsi og skála við Nauthólsveg 100. Upphafleg kostnaðaráætlun vegna verksins hljóðaði upp á 158 milljónir en framkvæmt hefur verið fyrir 415 milljónir og verkinu ekki lokið. Mikilvægt er að komast til botns í þessu máli.
Píratar eru aðhaldsafl gegn spillingu bæði í stjórn og stjórnarandstöðu. Fundurinn er liður í vilja flokksins til að standa undir því loforði sem flokkurinn gaf í kosningum.
Félagsfundir Pírata eru öllum opnir. Lög flokksins gera ráð fyrir virku aðhaldi og þátttöku grasrótar. Borgarfulltrúar hafa þegar boðað komu sína á fundinn.
Við vekjum ennfremur athygli á grein Halldórs Auðar Svanssonar, fyrrverandi borgarfulltrúa Pírata, sem hann skrifaði á dögunum á Stundina og ber heitið Óháð
