Þar sem einn fulltrúi trúnaðarráðs Pírata starfsárið 2017-2018 hefur sagt sig úr ráðinu auglýsir framkvæmdaráð að nýju eftir tilnefningum í ráðið en það skal skipað þremur fulltrúum. Þar sem ráðið er nú ekki fullskipað er óskað eftir tilnefningum sem fyrst má verða.
Hlutverk ráðsins, samkvæmt lögunum, er að bjóða sáttamiðlun og aðstoð þegar upp kemur ágreiningur eða annar vandi í samskiptum og starfi félagsmanna. Til ráðsins geta aðildarfélög, framkvæmdaráð eða félagsmenn leitað til að fá aðstoð. Ráðið getur líka haft frumkvæði að sáttamiðlun ef það telur þörf á því.
Hægt er að leita til trúnaðarráðs með því að senda tölvupóst á trunadarrad@piratar.is
Allir félagsmenn í Pírötum eru hvattir til að tilnefna í trúnaðarráð einstaklinga sem þeir treysta til að sinna verkefninu með sóma, en gott er að láta upplýsingar fylgja með tilnefningunni ef viðkomandi hefur tengda starfsreynslu, menntun eða sérþekkingu. Framkvæmdaráð Pírata skipar þrjá fulltrúa úr innsendum tilnefningum sem þarf svo að staðfesta á löglegum félagsfundi.
Við val á fulltrúum í trúnaðarráð er metin sérstaklega hæfni í mannlegum samskiptum, sjálfstæðum vinnubrögðum og almennt traust meðal flokksmanna. Æskilegt er að þeir hafi áður gegnt trúnaðarstörfum fyrir flokkinn. Fulltrúar í trúnaðarráði skulu ekki gegna öðrum trúnaðarstörfum fyrir flokkinn á meðan þeir sitja í trúnaðarráði.
Tilnefningar sendist á: framkvaemdarad@piratar.is merkt Trúnaðaráð
Um trúnaðarráð Pírata https://piratar.is/um-pirata/log-og-reglur/trunadarrad/
Um trúnaðarráð úr lögum Pírata https://piratar.is/um-pirata/log-og-reglur/#8a
