Píratar XP

Auglýst eftir fulltrúum í trúnaðarráð

Framkvæmdaráð Pírata auglýsir eftir tilnefningum um fulltrúa í trúnaðarráð Pírata.

Hlutverk ráðsins, samkvæmt lögunum, er að bjóða sáttamiðlun og aðstoð þegar upp kemur ágreiningur eða annar vandi í samskiptum og starfi félagsmanna. Til ráðsins geta aðildarfélög, framkvæmdaráð eða félagsmenn leitað til að fá aðstoð. Ráðið getur líka haft frumkvæði að sáttamiðlun ef það telur þörf á því.

Hægt er að leita til trúnaðarráðs með því að senda tölvupóst á trunadarrad@piratar.is

Allir félagsmenn í Pírötum eru hvattir til að tilnefna í trúnaðarráð einstaklinga sem þeir treysta til að sinna verkefninu með sóma, en gott er að láta upplýsingar fylgja með tilnefningunni ef viðkomandi hefur tengda starfsreynslu, menntun eða sérþekkingu. Framkvæmdaráð Pírata skipar þrjá fulltrúa úr innsendum tilnefningum sem þarf svo að staðfesta á löglegum félagsfundi.

Frestur til að skila tilnefningum er til kl 12:00 fimmtudaginn 2. maí 2019 og stefnir framkvæmdaráð á að leggja tillögu að nýju trúnaðarráði fyrir félagsfund sem haldinn verður skömmu síðar og verður auglýstur sérstaklega.

Við val á fulltrúum í trúnaðarráð er metin sérstaklega hæfni í mannlegum samskiptum, sjálfstæðum vinnubrögðum og almennt traust meðal flokksmanna. Æskilegt er að þeir hafi áður gegnt trúnaðarstörfum fyrir flokkinn. Fulltrúar í trúnaðarráði skulu ekki gegna öðrum trúnaðarstörfum fyrir flokkinn á meðan þeir sitja í trúnaðarráði.

Tilnefningar sendist á: framkvaemdarad@piratar.is merkt Trúnaðaráð

Um trúnaðarráð Pírata https://piratar.is/um-pirata/log-og-reglur/trunadarrad/

Um trúnaðarráð úr lögum Pírata https://piratar.is/um-pirata/log-og-reglur/#8a

Sýnum sam­stöðu fyrir bæinn okkar!

Þá eru kosningar afstaðnar, við Píratar og óháðir þökkum þeim sem studdu okkur kærlega...

Mótaðu framtíðina með þínu atkvæði

Hugsjónin hefur fært mig á lendur borgarpólitíkur eftir að hafa unnið undanfarin fimm ár...

Þegar spennan trompar sann­leikann

Kosningabarátta getur tekið á taugarnar. Frambjóðendur þjóta um allan bæ á hina ýmsu viðburði,...

Innviðauppbygging fyrir rafbíla

Nýskráðir bílar á árinu eru um 4.000 á Íslandi og þar af eru 37%...

Eru 4.300 í­búar Kópa­vogs hunsaðir?

Fjölmenningarráð hafa verið sett á fót í mörgum stórum og smáum bæjarfélögum. Þar má...
X
X
X