Áfram Árborg óskar eftir umsóknum eða tilnefningum fyrir fulltrúa í eftirfarandi nefndir:
– Félagsmálanefnd: Aðal- og varafulltrúi
– Fræðslunefnd: Aðal- og varafulltrúi
– Íþrótta- og menningarnefnd: Aðal- og varafulltrúi
Nefndarfundir eru haldnir tvisvar í mánuði að jafnaði og er hóflega
greitt fyrir nefndasetu. Fulltrúar þurfa að vera búsettir í Árborg sýna
fram á þekkingu, hæfni og áhuga á viðkomandi málaflokki. Píratar eru í
samstarfi við Viðreisn, Bjarta Framtíð, óháða og óflokksbundna en við
teljum mikilvægt að góðir Píratar manni nefndir.
Ef áhugi er fyrir því að vera áheyrnarfulltrúi í öðrum nefndum er
sjálfsagt að sækja um það. Áheyranarfulltrúar hafa tillögurétt og
málfrelsi á fundum, en geta hvorki greitt atkvæði né fengið greitt. Til
frekari upplýsinga má nefna að bæjarfulltrúi Áfram Árborgar, Sigurjón
Vídalín Guðmundsson verður formaður SKipulags- og bygginganefndar og
varamaður hans, Álfheiður Eymarsdóttir er varafulltrúi. Álfheiður
Eymarsdóttir situr í Framkvæmda- og veitustjórn og bæjarfulltrúinn
verður varamaður hennar.
Frekari upplýsingar má nálgast hjá Álfheiði Eymarsdóttur alfa@this.is
og í síma 7734944 og sér hún einnig um móttöku umsókna.
Umsóknarfrestur er til 13. júní nk.
