Nýverið var gjaldskrá Strætó Bs hækkuð og hefur það skiljanlega valdið óánægju meðal flestra.

Píratar í Reykjavík vilja eiga samtal um stöðu Strætó Bs, rekstrarformið og hvaða valmöguleikar stóðu til boða í erfiðu árferði.

Því bjóðum við á opinn fund til að ræða þessa stöðu, við hvort sem er félagsfólk í Pírötum sem og aðra sem vilja koma og taka þátt.
Öll eru velkomin.

Staðsetning fundarins er ekki enn alveg klár en viðburðurinn verður uppfærður þegar hún liggur fyrir.

Mætum öll og eigum samtal um hvaða sýn við viljum stefna að í almenningssamgöngum á höfuðborgarsvæðinu.

Nú er komið að því! Píratar í Reykjavík boða til aðalfundar laugardaginn 22. október 2022 klukkan 17:00. Við ætlum beint á barinn en staðsetning verður auglýst síðar. Stjórn PíR ætlar að halda skemmtilegan (hressingar, plötuþeyting og uppstand) og opinn fund (nýtt fólk velkomið!).

Dagskrá aðalfundar PíR

1. Ársreikningur 2021 (mjög stutt því það voru 7 reikningar þá)
2. Lagabreytingar (stjórn ætlar ekki að leggja neitt til)
3. Yfirferð á starfi stjórnar
4. Pepp frá sveitastjórnarfulltrúum okkar í Reykjavík
5. Lykilræða þingfólks okkar í Reykjavík
6. Kosning í stjórn + Kosninga skoðunarmanna reikninga
7. Önnur mál
8. Formlegri dagskrá lýkur og SKEMMTUN HEFST

Kosning til stjórnar

Núverandi stjórnarmeðlimir ætla ekki að bjóða sig fram aftur enda flest komin í önnur hlutverk fyrir flokkinn. Þannig endilega bjóðið ykkur fram, við þurfum á ykkur að halda! Kosning til stjórnar Pírata í Reykjavík fer fram í rafrænu kosningakerfi Pírata inn á https://x.piratar.is og framboðsfrestur er til 17. október. Kosning hefst á sama tíma og lýkur á aðalfundinum 22. október klukkan 18:00 og verða úrslit kynnt á aðalfundinum.